Barcelona fitoi Superkupën e Spanjës, pas arriti një fitore spektakolare 5-2 ndaj Real Madridit, në finalen e zhvilluar në Yeddah të Arabisë Saudite.
Përveç gëzimit që sjell fitimi i trofeut të Superkupës dhe aq më tepër një fitore e tillë ndaj rivalit historik, ka një lajm të keq për Barcelonën që lidhet me Inigo Martinez.
Mbrojtësi pësoi një dëmtim të rëndë dhe u detyrua të lërë fushën pa mbaruar pjesa e parë, duke u zëvendësuar nga Araujo. Prestigjiozja katalanase “Sport” raporton se Martinez ka pësuar një dëmtim shumë serioz dhe pritet të mungojë për të paktën 5-6 javë.
E gjendur në këto kushte Barcelona është e detyruar të mos lejojë largimin e Ronald Araujo, largimi i të cilit ishte thuajse i sigurt në merkaton e janarit.
Uruguaiani pritet të qëndrojë të paktën deri në fund të sezonit te katalanasit sipas “Sport”, duke parë që Martinez do qëndrojë gjatë jashtë fushës dhe do i duhet kohë për të rikuperuar veten.
