Egli ishte banorja e parë që hyri në shtëpinë e “Big Brother Vip” dhe për këtë, “Vëllai i Madh” vendosi t’i jepte një avantazh. Ajo do të mirëpriste banorin e tretë brenda në shtëpi.
“Olsi është në arenën e ‘Storm’ dhe pret që ti ta marrësh breënda”- iu drejtua moderatori Ledion Liço asaj.
“Ok”- tha ajo dhe u nis drejt arenës.
Egli u surprizua kur pa se banori që po priste në arenën e “Storm” ishte Olsi Abazi.
Ols Abazi është producent i “Nilor Films”. Ështe i vendosur për të hyrë “All in” në Big Brother dhe për të fituar. Thotë se do japë gjithçka nga vetja dhe do jetë një Olsi ndryshe nga ai që të tjerët njohin. Jeton në të njëjtën ndërtesë me prindërit dhe vëllain, me të cilin nuk flet prej disa vitesh, për shkak të një konflikti me një biznes të përbashkët. Arma e tij më e fortë do jetë qetësia dhe argumentet e mira.
