Si në çdo derbi tjetër edhe në këtë të sotmin mbështetja e tifozëve nuk do të mungojë.
Mbështetësit e të dyja skuadrave do të mbushin shkallët e stadiumit “Air Albania”, takim që do të startojë në orën 20:00 dhe që vë përballë Partizanin dhe Tiranën.
Kur duhen më pak se 2 orë nga starti i kësaj sfide, mësohet se mbi 10 mijë bileta janë shitur. Pika e shitjes së biletave në “Air Albania” do të qëndrojë e hapur deri para sfidën dhe në këtë mënyrë tifozët mund të sigurojnë biletat e tyre.
Kujtojmë se ky është derbi i parë i këtij sezoni mes Partizanit e Tiranës.
