Lajme jo të mira për mbretin Charles pasi sipas medias amerikane “Daily Beast” gjendja shëndetësore e monarkut 75-vjeçar nuk është e mirë.
Mbreti Charles, pas njoftimit të pallatit se vuan nga kanceri, qëndron larg syrit të publikut dhe nuk del në publik për shkak të shëndetit të dobët.
Në fakt, sipas informacioneve nga Britania, funerali i tij tashmë është gati. “Operacioni Ura e Menait” i referohet procesioneve funerale të monarkut që do të ngjajnë me ato të Elizabeth II, të cilat u quajtën “Operacioni Ura e Londrës”.
“Sigurisht që ai është i vendosur të mundë kancerin. Të gjithë mbeten optimistë, por ai është me të vërtetë, me të vërtetë i sëmurë”, tha një mik i vjetër i familjes mbretërore për Daily Beast.
“Operacioni Ura e Menait” do të përfshijë protokolle të njohura. Kur monarku të vdesë, trupi i Charles do të zhvendoset nga dhoma e fronit në Buckingham Palace, Westminster Hall.
Ai do të prehet me nderime dhe varrimi i tij zyrtar do të bëhet nëntë ditë më vonë. Me shumë mundësi ai do të varroset në Kështjellën Windsor.
“Ai do të ketë gjithë madhështinë që i ka hije një monarku britanik”, shtoi burimi.
