Shtetasi Visar Avdyli, i shpallur në kërkim ndërkombëtar për një vrasje të ndodhur në Oslo në vitin 2021, u arrestua këtë të mërkurë në Ferizaj nga policia e Kosovës.
Avdyli, së bashku me të vëllanë e tij akuzohen për vrasjen e Hamse Hashi Adan, 20 vjeç në Mortensrud, një lagje në Oslo të Norvegjisë.
Dy vëllezërit e dyshuar për vrasjen, rezultojnë të arrestuar më parë për terrorizëm. Policia vijon punën për lokalizimin dhe arrestimin e vëllait tjetër në kërkim.
“Personi i arrestuar përveç shtetësisë kosovare posedon edhe shtetësi norvegjeze, ndërsa në momentin e arrestimit i është gjetur një armë zjarri, si dhe disa pasaporta të shteteve të tjera, të cilat me gjasë janë të falsifikuara”, thuhet në komunikatën për media të policisë.
