Praga u trondit pasditen e djeshme nga një sulm me armë zjarri brenda Universitetit të Arteve, ku David Kozak, 24 vjeç vrau 14 persona dhe plagosi dhjetëra të tjerë.
Këtë ngjarje të rëndë, studenti shqiptar, Romario Zoga, e përshkroi si shokuese. Shqiptari ka qenë pranë vendngjarjes.
“Unë nuk kam qenë shumë larg nga vendi i ngjarjes. Isha rreth 10-15 minuta larg universitetit. Kudo nëpër rrugë shihet që njerëzit ishin disi të trembur. Shihje të gjithë ose në rrugë ose në metro që po e ndiqnin ngjarjen live hap pas hapi dhe flisnin me familjarët e tyre se ku ishin dhe si ishin”, deklaroi Zoga për Klan Kosova.
