Gjykata norvegjeze ka dënuar një mjek me 21 vjet burg për përdhunimin dhe abuzimin seksual të dhjetëra grave, në një rast që ka tronditur vendin skandinav.
Ish-mjeku i përgjithshëm Arne Bye është dënuar për 70 akuza për përdhunim dhe sulm seksual. Ai u dënua gjithashtu për 82 akuza për abuzim me pozicionin e tij si mjek.
Pothuajse të gjitha veprat penale ndodhën gjatë ekzaminimeve mjekësore që Bye u kryente pacientëve të tij ndërsa punonte si mjek në qytetin e vogël të Frostës – një komunitet i vogël me më pak se 3,000 banorë, pranë Trondheimit në bregdetin perëndimor të Norvegjisë.
Bye u ndalua gjithashtu të ushtronte punën si mjek dhe u urdhërua të paguante kompensim. Gjykata kishte diskutuar mbi një aktakuzë të gjatë, e cila përfshinte akuza që shtriheshin në gati dy dekada në lidhje me 94 gra.
