Një helikopter është rrëzuar në Siberi duke vrarë 6 persona, ndërsa 7 të tjerë janë plagosur.
Aksidenti ka ndodhur në rajonin Altai të Siberisë jugore, njoftoi Ministria e Emergjencave të rajonit.
Videoja që po bën xhiron e internetit tregon momentin kur helikopteri Mi-8, pak para uljes, në afërsi të kufirit me Kazakistanin, përplaset me kabllot elektrike, duke bërë që piloti të humbasë kontrollin dhe të shkaktojë rrëzimin.
https://twitter.com/nexta_tv/status/1684490446603444227?s=46&t=aTP2ecQpSika2cuIgbzGfw
Administrata Federale e Aviacionit e Rusisë tha se helikopteri mbante 13 pasagjerë dhe tre anëtarë të ekuipazhit
Mi-8 i përkiste kompanisë së mallrave me bazë në Moskë, Altay Avia.
Komiteti Hetues i Rusisë tha se ka nisur një hetim penal për shkeljet e sigurisë së aviacionit.
Rusia ka parë disa aksidente fatale avioni në vitet e fundit për shkak të mirëmbajtjes së dobët dhe standardeve të dobëta të sigurisë.
