Qeveria e Bosnje-Hercegovinës ka shpallur 18 marsin Ditë Zie për shenjë nderimi ndaj viktimave të tragjedisë në Maqedoninë e Veriut, ku 59 persona humbën jetën nga një zjarr që shpërtheu në një koncert në qytetin e Koçanit më 16 mars 2025.
Dita e zisë do të shënohet me vendosjen e flamurit të Bosnjë-Hercegovinës në gjysmështizë në të gjitha ndërtesat e autoriteteve legjislative, ekzekutive dhe gjyqësore, si dhe në institucione publike dhe subjekte juridike në territorin e Federatës së Bosnjë-Hercegovinës.
Për këtë ditë, është vendosur që të ndalohen programet kulturore dhe argëtuese në vende publike, ndërsa mediat janë të detyruara të përshtatin përmbajtjen e tyre programore në përputhje me respektin për tragjedinë.
