Një 48-vjeçar është arrestuar mbrëmjen e sotme me akuzën se ka vendosur një kamerë të fshehtë në banjën e shtëpisë së tij në Ilion dhe ka regjistruar bashkëshorten dhe dy fëmijët.
Në veçanti, sipas policisë, gruaja e të pandehurit ka raportuar sot në Departamentin e Sigurisë lokale se ka gjetur një kamerë të fshehtë në banjën e shtëpisë së tyre, të cilën bashkëshorti i saj e kishte instaluar dhe po regjistronte si atë ashtu edhe vajzën e tyre 15- vjeçare dhe djalin e tyre 16-vjeçar.
Njëkohësisht ajo tha se në celularin e tij ka gjetur foto nudo të dy fëmijëve dhe video.
Oficerët e policisë që po kërkonin 48-vjeçarin e gjetën në mbrëmje të mbyllur dhe dukshëm nën efektin e alkoolit , brenda biznesit që ai mban në një zonë të Atikës Perëndimore.
Ai u arrestua menjëherë dhe nesër do të dalë në prokurori për akuzën e pornografisë së fëmijëve.
