Një aksident trafiku ndodhi mbasditen e kësaj të mërkure kur një autobus urban u përplas me një tramvaj në rrugën Mikras Asias pranë Grigoriou Lambrakis, në Pire , duke plagosur 30 pasagjerë.
Sipas informacioneve, aksidenti ndodhi kur autobusi u ndal në stacion për të zbritur pasagjerët, ndërsa tramvaji që e ndiqte ra sipër tij.
Në një video të publikuar nga mediaf duket se tramvaji eshtë perplasur me pjesën e pasme të autobusit, ndersa disa persona – disa të plagosur – janë ulur në trotuar.
Një pasagjere autobusi tha se pa njerëz te binin pertokë, pasi tronditja nga perplasja ishte shumë e fortë.
“Autobusi ishte ndalur për të bërë një ndalesë. Ata nuk kishin pasur kohë të mbyllnin dyert dhe tramvaji erdhi nga pas. Unë u trondita, të tjerë ranë përtokë. Ishte shumë e rrezikshme, kishte të moshuar, të tjerë kishin probleme me qafën. Shumë ranë përtokë sepse tronditja ishte shumë e fortë, unë, që isha ulur, përqafova personin përballë meje”, tha gruaja.
Në njoftimin e saj, STASY deklaron se shoferi i tramvajit ” u ndje keq gjatë udhëtimit dhe u përplas me autobusin e qytetit”, ndërsa para përplasjes “sistemi i frenimit emergjent i trenit u aktivizua dhe kufizoi ashpërsinë e përplasjes”. Trafiku në Linjën 7 të Tramvajit “Asclepieion Voula – Agia Triada Piraeus” po operon përkohësisht në seksionin Asklepieion Voula – SEF.
