Barazim pa gola ndërmjet Dinamos dhe Vllaznisë, në ndeshjen e Superiores të luajtur në “Elbasan Arena”.
Rasti i parë serioz i takoi Dodajt, i cili vendosi në provë Teqjan, por e menjëhershme ishte përgjigjja e portierit.
Pas 22 minutash lojë, ndeshja kthehet në “malore” për dinamovitët, që mbeten me një lojtar më pak. Karamba u ndëshkua me kartonin e dytë të verdhë, pas një faulli të shkaktuar ndaj Balajt.
Shkodranët u përpoqën që të shfrytëzojmë superioritin numerik, teksa Gruda pati një shans ideal, por nuk e konkretizoi si duhet.
Pa gola përfundoi pjesa e parë, ndërsa pjesa e dytë do ishte edhe më emocionuese.
Në çerek ore lojë, Vllaznia do të merrte goditje të rëndë, pasi dy futbollistët do ndëshkoheshin me kartonë të kuq nga kryeso. Fillimisht u “skuq” Bajrami për një ndërhyrje ndaj Zabërgjës, ndërsa më pas të njëjtin fat pati edhe Jago, për një faull ndaj Maliqit.
Ritmi i ndeshjes ra, me të dyka skuadrat që u kujdesën që të mos pësonin gol, duke shtrënguar duart në fund për një barazim 0-0.
Me këtë rezultat, Vllaznia është në vendin e dytë me 44 pikë, ndërsa Dinamo e 3-ta me 41 pikë.
