Detaje të reja janë zbardhur nga aksidenti i rëndë shënuar mbrëmjen e djeshme në Itali, ku humbën jetën dhjetëra persona e mbetën të plasgosur disa të tjerë.
Mediat italiane bëjnë me dije se numri i viktimave ka shkuar në 21, ndërsa 15 të tjerë janë plagosur, disa në gjendje të rëndë.
Viktimat janë të moshave të ndryshme, ku ka edhe fëmijë dhe po ashtu origjina e tyre. Në autobusin që u përfshi në aksidentin tragjik kishte persona me kombësi ukrainase, gjermane, franceze, kroate dhe italiane.
Në lidhje me aksidentin dyshimet e para janë që shoferi për shkak të një problem shëndetësor, ka humbur kontrollin e mjetit. Autobusi është përplasur fort me barrierat e rrugës, duke i çarë ato e duke përfunduar në shinat e trenit, ku shpërtheu në flakë.
Linja hekurudhore mes Mestres dhe Venecias u pezullua për shkak të aksidentit. Autoriteti Shëndetësor Vendor 3 i Venecias ka aktivizuar protokollin e “urgjencave të mëdha”, i cili parashikon vënien në dispozicion të të gjitha dhomave të urgjencës spitalore dhe tërheqjen në punë të personelit përforcues.
