Bylisi i Nevil Dedes, e ka nisur vitin 2025 me një triumf të artë, duke mposhtur me rezultatin 2-1 skuadrën kryesuese të Superiores, Dinamo. Ballshiotët duket se janë shndërruar si një “mace e zeze” për dinamovitët në këtë edicion, ku në 3 përballjet mes njëra-tjetrës, dy herë ka fituar Bylisi dhe një sfidë është mbyllur në barazim.
Golat e Markut dhe Berkos, në minutat 20’ dhe 90+3’, u siguruan tri pikë shumë të rëndësishme vendasve, ndërkohë që golin e vetëm për Dinamon e shënoi Zabërgja në minutën e 49-të.
Me këtë fitore Bylisi u ngjit në kuotën e 21 pikëve në 20 ndeshje, ndërkohë që skuadra e Ilir Dajës mban përkohësisht vendin e parë me 34 pikë. Në duelin e radhës Bylisi do të përballet me Laçin, ndërsa Dinamo pret Elbasanin.
