E diel, 7 Mars, 2021
15 C
Tirana

Zyrtarët amerikanë mashtruan për 18 vjet në lidhje me luftën në Afganistan

“Washington Post” ka publikuar së fundmi një artikull bombë në lidhje me luftën në Afganistan, e cila zgjat prej një kohe shumë të gjatë dhe ka kushtuar shumë në jetë njerëzish dhe para.

Sipas të dhënave të publikuara nga e përditshmja amerikane, zyrtarët amerikanë kanë gënjyer në mënyrë të vazhdueshme publikun në lidhje me luftën që zgjat prej 18 vitesh në Afganistan dhe kanë fshehur faktin se ajo ishte e pamundur të fitohej.

Në artikullin e gjatë të publikuar këtë të hënë, “Post” informon se zyrtarët më të lartë ishin në dijeni që shanset ushtarake ishin shumë të vogla, por ata zgjodhën të fshihnin realitetin dhe të jepnin lajme të zbukuruara në lidhje me të.

Dokumentet e zbuluara përfshijnë dhe intervista që zyrtarë të qeverisë kanë zhvilluar me ushtarakë të lartë, të cilat gazeta i mori falë ligjit të Lirisë së Informimit. Ato janë zhvilluar nga vitet 2014-2018 dhe përfshijnë komentet e rreth 400 personave.

Mes dokumenteve, Post ka arritur të shtjerë në dorë dhe memo nga ish-sekretari i Mbrojtjes, Donald Rumsfeld në vitet 2001-2006, gjatë fazës së parë të luftës.

Të gjitha këto të dhëna krijojnë tablonë e një ushtrie konfuze që nuk e dinte se kush ishin “djemtë e këqij”, ku fshiheshin ata apo si t’i luftonin.

Mes intervistave është dhe një transkript i vitit 2015 që i përket ish-këshilltarit të SHBA për Sigurinë Kombëtare, Michael Flynn, i cili mes të tjerave ngre pyetjen “Nëse jemi duke bërë një punë të mirë, pse duket sikur po humbim?”

Personeli ushtarak gjithashtu përshkruan se si zyrtarë të lartë manipuluan të dhënat për t’u dukur sikur SHBA po e fitonte luftën, kur në fakt qindra ushtarë po vriteshin.

Një nga dështimet e pretenduara për të cilën trupat ankoheshin më së shumti përfshinte dhe faktin se ata nuk e dinin pse ishin në Afganistan, për të luftuar terrorizmin apo për ta bërë këtë vend demokratik, shkruan “a2”.

Inspektori i Përgjithshëm për Rindërtimin e Afganistanit, John Sopko i tha gazetës pas publikimit të këtyre fakteve se populli amerikan është gënjyer në mënyrë konstante.

- Reklama -

Më shumë nga kategoria




Të fundit

Revoltat e dhunshme në Mianmar/ OKB: Ndaloni vrasjen e protestuesve

I dërguari i Kombeve të Bashkuara për Mianmar i ka bërë thirrje këshillit të sigurimit të KB të marrë masa kundër protestave të dhunshme,...

SHBA-ja lëshon alarm për sulm të ri kibernetik

Qeveria amerikane është duke bërë paralajmërime për sulme të mëdha kibernetike, të cilat mund të kenë shënjestruar serverët e kompanisë Microsoft, dhe të cilat...

Lum partitë për këtë popull që kanë

Nga: Mentor Kikia Ne nuk jemi vetëm në krizë pandemie, krizë ekonomike apo sociale. Ne jemi edhe në një krizë të thellë mendore si shoqëri...

Koronavirusi në vend/ 777 raste të reja dhe 21 viktima

Kurba e koronavirusit në Shqipëri mbetet e lartë, pasi në 24 orët e fundit janë regjistruar 777 raste të reja. Ndërkohë, 21 persona nuk kanë...

Milani kthen Ibrën në kombëtare, 39-vjeçari debuton në ndeshjen me Kosovën

Viti fantastik te Milani dhe fakti që është lideri i ecurisë së pabesueshme të kuqezinjve, ka bërë që Zlatan Ibrahimoviç të kthehet në Kombëtaren...