Zyrtare, Zhoze Murinjo rikthehet në Seria A pas 11 vitesh

Nga Italia ka ardhur “bomba” e madhe, teksa Roma ka njoftuar se drejtimin e skuadrës do ta marre trajneri portugez Zhoze Murinjo.

Teksa ditën e sotme u dha lajmi i ndërprerjes së kontratës me Fonsekën, verdhekuqtë nuk kanë pritur dhe kanë njoftuar afrimin e Murinjos.

“Special One” rikthehet pas 11 vitesh në Itali, që kur u largua nga drejtimi i Interit në vitin 2010.

Murinjo do të marrë drejtimin e Romës sapo Fonseka të ndërpresë kontratën këtë verë, dhe do të jetë trajneri i ri për 3 sezonet e ardhshme.