Aktualitet

Zvicër/ Ngjarje e rëndë: Shqiptari hidhet nga kati i tretë i ndërtesës, arsyeja


               Publikuar në : 08:37 - 22/01/20 M P

Një ngjarje e rëndë ka ndodhur mbrëmjen e e djeshme në Lenzburg të Kantonit Aargau në Zvicër. Një shqiptar nga Kosova është hedhur nga kati i 3-të i ndërtesës ku banonte me familjen.  Si pasojë, ai ka marrë dëmtime të rënda nga rënia nga lartësia 10 metra.

Sipas medias zvicerane blick.ch, motivi i ngjarjes mësohet të ketë qenë një sherr në familje.

Mediat zvicerane kanë zbardhur detaje nga ngjarja. Sipas tyre, gruaja e 38 vjeçarit më herët ka telefonuar forcat e policisë, pasi ai kishte dhunuar atë dhe njërin nga fëmijët e familjes. Policia kishte shkruar menjëherë në ndërtesën e familjes shqiptare.

Në kontaktin e parë me policinë ai është shfaqur i qetë, pastaj papritur ka kapur një thikë dhe e ka vendosur në qafë, duke kërcënuar se do i jepte fund jetës.

Edhe pse policët janë përpjekur ta qetësonin dhe të merrnin nën kontroll situatën për një kohë të gjatë, ai është drejtuar drejt ballkonit me thikën në dorë. Teksa bisedonte me policët për disa minuta, ai papritmas ka rënë nga ballkoni. Për shkak të rënies ka pësuar fraktura dhe dëmtime të shumta.

Një autoambulancë e ka transportuar atë në Spitalin Kantonal Aarau, ku ai është nënshtruar operacionit. Aktualisht nuk ka asnjë informacion të mëtejshëm mbi gjendjen e tij shëndetësore.

Gruaja dhe fëmijët kanë shpëtuar të padëmtuar. Zyra e prokurorit publik në Lenzburg-Aarau ka hapur një hetim penal.


Kthehu
WhatsApp Denonco ne TT