Një zjarr i madh ka shpërthyer në Aeroportit Ndërkombëtar Hazrat Shahjalal, në Bangladesh. Zjarri është duke vijuar për gati tre orë, ku ka sjellë pezullimin e përkohshëm të të gjitha fluturimeve në aeroportin kryesor të vendit.
Pamje nga vendngjarja tregojnë tym të dendur të zi që ngrihet nga terminali i ngarkesave, duke mbuluar një pjesë të madhe të qiellit dhe duke krijuar një atmosferë mbytëse.
Sipas mediave lokale, disa zjarrfikës janë plagosur gjatë përpjekjeve për të vënë nën kontroll flakët.
