Politikë

Zbulohet raporti i PD për zgjedhjet/ 56 faqe për vëzhguesit kundër “30 qershorit”

               Publikuar në : 20:28 - 11/09/19 M. S

Një javë pas publikimit të raportit përfundimtar të OSBE/OHDIR, Top Channel zbulon dokumentin prej 56 faqesh që Partia Demokratike i ka dërguar misionit të vëshguesve ndërkombëtar.

Raporti i demokratëve i cili mban datën 19 gusht, perforcon konstatimet e raportit final te OSBE-OHDIR, i cili ishte ne fokusin e konferencës së selisë blu këtë të mërkurë.

“Raporti i OSBE-OHDIR është lajmërimi i vdekjes së zgjedhjeve në Shqipëri”, tha Bylykbashi.

Një kapitull i plotë, ai numër 4 i dedikohet denononcimit ndërkombëtarisht të manipulimit të procesit përmes numërimit të votave.

Përgjimet e ‘Bild’ dhe zyrtarët socialistë të akuzuar për vjedhje votash, janë pjesë e raportit të opozitës jashtëparlamentare.

Përmes fotove dhe videove është denoncuar fenomeni më shume vota se votues të cilët zyrtarët demokratë, i dhanë jehonë edhe ne daljen e tyre për mediat.

Por, ky nuk është fenomeni i vetëm i konstatuar nga demokratët. Një ndër to është edhe një komunikim i brendshëm që PD pretendon se është zhvilluar nga punonjës të policisë bashkiake të Tiranës, ku theksohet se do i kontrollohen gishtat kush nuk ka votuar.

Pike e raportit të opozitës jashtë parlamentare janë edhe 4 anëtarët e mazhorancës në KQZ, dhe shkeljet e pretenduara prej tyre.

Demokratët, vëmendje kryesore në raportin e tyre i japin edhe dekreteve presidenciale, që sipas tyre, nuk janë zbatuar nga mazhoranca. /Top Channel

 

Kthehu
WhatsApp Denonco ne TT