Projekti për aeroportin e Kukësit që njoftoi Edi Rama dje, rezulton i vjedhur. “Aeroporti i ri i Kukësit dhe një paralajmërim: Mos përgojoni 3D se sot një vit, në realitet do jetë më i bukur se këtu”.
Ky ishte komenti i Ramës, bashkëngjitur një fotoje me projektin e aeroportit të ri të Kukësit.
Më herët, Rama njoftoi banorët e qarkut verilindor për disa projekte të qeverisë në këtë zonë, ndër to më kryesori, hapja e aeroportit të Kukësit për fluturime ndërkombëtare, që sipas tij do të nisin nëntorin e 2019-ës.
Rama sqaroi se janë bërë hapa konkretë për procedurën për aeroportin e Kukësit.
Është ish-kryeministri Berisha, ai që ka nxjerrë zbuluar Ramën, duke njoftuar se ideja e projektit është e vjedhur.
Kjo pasi fotoja e prezantuar si projekt nga ana e kryeministrit është marrë nga aeroporti në Gjeorgji, ideuar nga studioja UN.
Nuk dihet nëse Rama është impresionuar nga aeroporti gjeorgjian dhe ka menduar të aplikojë të njëjtin projekt në Kukës, apo në nxitim e sipër ka prezantuar një projekt të dikujt tjetër. Kjo mbetet për tu parë!
