Bota

“Zaevi po merr fund”/ Gazetari italian: Jam i sigurtë, është çështje kohe


               Publikuar në : 14:31 - 13/08/19 Enno

Gazetari italian, Laris Gajser, i cili bëri publike 3 videot që tronditën Maqedoninë e Veriut, ka folur sot në një radio sllovene mbi situatën aktuale në këtë vend, teksa paralajmëron zhvillime të forta.

Gjatë intervistës ai tha se kryeministri Zoran Zaev, është në fund të karrierës së tij dhe se ai nuk është i denjë të përfaqësojë Maqedoninë, në Aleancën Atlantike.

Sipas tij, Maqedonia ka humbur besimin te ndërkombëtarët, dhe për këtë, qytetaret nuk duhet të vuajnë më këtë përjashtim, raporton Alsat.

Ai vijon më tej duke deklaruar se, terapia më e mirë për të shëruar gjendjen që po kalon sot Maqedonia  Veriut janë zgjedhjet e parakohshme.

Pas kësaj, jam i sigurt se Zaevi është në fund të karrierës së tij dhe se është çështje kohe që Kuvendi dhe Presidenti të këndellen se do të jetë më mirë që të shkarkohet Zaevi, që të keni një përfaqësues ndërkombëtar më funksional, sepse për momentin Zaevi paraqet problem dhe se nuk mund ta prezantojë Maqedoninë e Veriut. Opsionet janë 1) ose krizë qeveritare me zgjedhje – edhe pse Pendarovski nuk e sheh këtë si opsion të mundshëm pa pasur më parë regjistrim të popullatës – ose (ky është sugjerimi im) të ketë një qeveri kalimtare Ad-Interim, me kusht që të ndryshohet vetëm kryeministri.Nuk ka klasë politike cilësore në Maqedoninë e Veriut. Nuk mund të presim që ata të jenë lojtarë të mirë në komunitetin ndërkombëtarë. Unë besoj se nëse do të dinin mirë të luanin, Maqedonia e Veriut mund ta kishte përmbyllur problemin e emrit që para 10 viteve. Mendoj se atëherë kur Greqia kishte nevojë për mbështetje, Maqedonia e Veriut mund ta kishte shfrytëzuar atë situatë, për të zgjidhur çështjen e emrit”, tha mes tjerash, gazetari italian.

Kthehu
WhatsApp Denonco ne TT