YouTube do të heqë ose do të zvogëlojë shikueshmërinë mbi video që mbrojnë teoritë e komplotit duke e lidhur epideminë e koronavirusit me rrjetin 5G.
Lajmin e beri te ditur Kompania e Kalifornisë per The Guardian. Masa vjen pasi, në Mbretërinë e Bashkuar, rreth 5 kullave 5G i’u vu zjarri pas përhapjes së lajmeve të rreme.
Videot që shkelin rregullat e YouTube janë fshirë, tha një zëdhënës, duke kujtuar se kompania “ndalon gjithashtu videot që në vend të kujdesit mjekësor promovojnë metoda që nuk janë vërtetuar nga pikëpamja mjekësore për të parandaluar koronavirusin”.
Përkrah kësaj, “ne kemi filluar të zvogëlojmë rekomandimet për përmbajtjen e vijës kufitare, siç janë teoritë e komplotit që lidhen me 5G dhe koronavirus, të cilat mund të keqinformojnë përdoruesit në mënyra të dëmshme”.
Në njërën nga videot e hequra, raporton Guardian, një ish-ekzekutiv i vetë-vetëquajtur i një kompanie të telefonisë celulare në Mbretërinë e Bashkuar, pretendoi se testet për koronavirus ishin përdorur për të përhapur virusin, dhe se pandemia ishte krijuar për të fshehur vdekjet e shkaktuara nga teknologjia celulare.
