E hënë, 20 Shtator, 2021
28.5 C
Tirana

Vrasja e kushëririt/Autori: Unë kam qëlluar, të lirohet nipi dhe vëllai

Në njoftimin zyrtar nga policia u tha se shtetasi Kastriot Hasalla u vetëdorëzua, për vrasjen e Romeo Hasalla, 30-vjeç, dy ditë më parë. Po sipas burimeve zyrtare, dorëzimi i tij ishte arritur falë ndërmjetësimit të drejtorit të policisë së Fierit, Ferdinand Mara. Autori i ngjarjes ndodhet në komisariatin e Lushnjes.

Një parcelë e mbjellë me ullinj në një kodrinë në fshatin Garunjas, është bërë shkak për debate të vazhdueshme midis kushërinjve të parë, derisa ngjarja ka kulmuar me përdorimin e armëve të zjarrit. 65-vjeçari dhe djemtë e tij kanë shkuar me traktor pranë parcelës për ta punuar rreth orës 06:30 të mëngjesit. Atje ishin edhe dy vëllezërit.

Pasi janë konfliktuar verbalisht, njëri prej tyre ka qëlluar me armë zjarrit të llojit çifte, duke i shkaktuar vdekjen e menjëhershme djalit të xhaxhait, vetëm 30-vjeç, i martuar dhe me dy fëmijë të vegjël. Mësohet se 65-vjeçari dhe dy djemtë e tij kanë shkuar me makinë private në Spitalin e Lushnjës për të marrë mjekim, ku ndodhen jashtë rrezikut për jetën.

Dy ditë më parë u arrestuan edhe dy autorët e tjerë të dyshuar, përkatësisht shtetasiT Afrim Hasalli, 42-vjeç dhe nipi i tij, Marjus Hasalla, 20-vjeç. Viktima Romeo Hasalla, jetonte dhe punonte prej vitesh në Greqi. Babai i dy fëmijëve të mitur ishte kthyer të hënën e shkuar në shtëpinë e prindërve, për të kaluar pushimet.

Kastriot Hasalla: Unë kam qëlluar, mbaj përgjegjësi deri në fund!

Kastriot Hasalla ka pranuar autorësinë e vrasjes së kushëririt të tij, Romeo Hasalla për çështje pronësie. Ai thotë se ka qëlluar me armë dhe asnjë prej të arrestuarve të tjerë nuk ka goditur. Më tej Hasalla sqaron se pse nuk është vetëdorëzuar në komisariat, por ka zgjedhur të dorëzohet me praninë e avokatit.

Kush jeni ju?

Kastriot Hasalla: Unë quhem Kastriot Hasalla.

Ju jeni autori që kryet vrasjen?

Kastriot Hasalla: Po! Unë them vetëm drejtësinë dhe si ka ndodhur do t’i tregoj më tutje.

A keni qëlluar ju me armë?

Kastriot Hasalla: Po, unë kam qëlluar.

Pse u dorëzuat te avokati dhe jo te policia?

Kastriot Hasalla: Në polici nuk kisha besim, se nuk ka drejtësi. Për çfarë kam bërë mbaj përgjegjësi deri në fund. Çuni duhet të lirohet me gjithë vëllain, se nuk ka përgjegjësi fare. Unë kam qëlluar, mbaj përgjegjësi deri në fund. Mjetet e mia duhet të lirohen, se nuk e kanë bërë mjetet krimin.

Avokati thotë se ngjarja ka ndodhur në kushtet e tronditjes së thellë psikologjike të klientit të tij.

Avokati, Ilir Dervishi: “Unë jam avokati Ilir Dervishi që përfaqësoj klientin tim. E rëndësishme është që klienti me vullnetin e tij të lirë po shkon të dorëzohet pranë organeve të drejtësisë. Ka dashur të dorëzohet që ditën e parë, por nuk e di arsyen pasi 50 minuta kemi që kemi kontaktuar bashkë. Kemi kontaktuar shefin e komisariatit, prokurorin e çështjes, drejtuesin e Prokurorisë së Lushnjes, për veprimin e klientit tim. Por meqë jam përballë jush, edhe në emër të klientit tim dua të shpreh ngushëllimet më të sinqerta për humbjen e jetës së viktimës, por edhe shërim sa më të shpejtë të të plagosurve. Kjo është një ngjarje e rëndë, por edhe një ngjarje që nuk ka patur rrethana të tjera përveç atyre rastësore, që nuk ka pasur paramendim, por ka ndodhur në kushtet e tronditjes së thellë psikologjike të klientit tim. Dhe duke parë jetën e djalit që rrezikohej nga kërcënimi me armë i palës tjetër”.

- Reklama -

Më shumë nga kategoria




Të fundit

Reciprociteti i targave/Kurti: S’ka për qëllim destabilizimin

Kryeministri i Kosovës, Albin Kurti, ka folur nga Kuvendi për reciprocitetin e vendosur për targat e automjeteve. Gjatë seancës së sotme parlamentare, Kurti theksoi...

Shërbimet sekrete zbulojnë planin/ Parandalohet ekzekutimi i Zoran Zaev

Shërbimet sekrete greke dhe qeveria parandaluan një atentat ndaj kryeministrit të Maqedonisë së Veriut, Zoran Zaev, disa muaj pas nënshkrimit të Marrëveshjes së Prespës...

Në politikën gjermane nuk përfaqësohen sa duhet migrantët

"What's your Heimat?" - cili është atdheu juaj u pyet W. Michael Blumental, drejtori që themeloi Muzeun Hebre në Berlin në vitin 2014. Për...

Pse berishizmi, është enverizimi i ri shqiptar

Nga: Mero Baze Kjo që po i ndodh Partisë Demokratike, Partisë së Punës, ka filluar ti ndodh në vitin 1991. Kur ajo filloi të reformohej...

VIDEO/Drogë, armë e vjedhje energjie, momenti i arrestimit të volejbollistit

Një volejbollist ka rënë në prangat e policisë, pasi është kapur me armë zjarri, municion luftarak dhe kokainë. Volejbollisti 26-vjeçar i identifikuar si Eraldo...