Kryeministri Edi Rama ka sqaruar nga foltorja e Kuvendit votimin e parlamentit holandez për të kthyer regjimin e vizave me Shqipërinë. Gjatë fjalës së tij, kryeministri sqaroi përse rikthimi i vizave do të ishte i pamundur, teksa shpjegoi elementët që duhet të ketë për të plotësuar këtë proces.
Rama e quajti këtë votim një shfaqje politike, ndërsa tha se numri i azilkërkuesve dhe shifrat e kriminalitetit nuk janë dyfishuar, gjë që e bën të pamundur rikthimin e vizave për shqiptarët.
Fjala e Ramës:
Është një vendim thjesht politik në vazhdën e një procesi elektoral në një vend si Holanda, ku nuk është sekret, ka një zhvillim të vazhdueshëm të një politike kundër zgjerimit, intensivisht kundër emigrantëve, kundër shqiptarëve.
Është një procedurë parlamentare që nuk ka asnjë implikim të drejtpërdrejt në lëvizjen e lirë të shqiptarëve. Duhet ta kenë parasysh se për revokimin e lëvizjes së lirë duhet të përmbushen disa kritere objektive, asnjë prej të cilave nuk përkon me realitetin e faktorit shqiptar në Holandë.
Më e bukura është se ministri për drejtësi dhe sigurinë e Holandës, i pranishëm në seancë, reagoi duke thënë që s’ka asnjë kriter të përmbushur negativisht për të adresuar këtë problematikë në një vendim të parlamentit.
Duhet të ketë një rritje të qëndrueshme të emigracionit të parregullt dhe konsiderohet dyfishimi i atyre që emigrojnë në mënyrë të parregullt, fakti flet për rënie.
Së dyti duhet që rritja e nr të azilkërkuesve nga vendi që konstaton burim i problemeve të jetë dyfish. Jo vetëm që s’ka rritje, por ka rënie.
Së treti, duhet të konstatohet mungesë vullneti në bashkëpunimin mes vendeve për kthimet e emigrantëve të parregullt. Jo vetëm që s’ka rënie të bashkëpunimit, por ka rritje të bashkëpunimit. Së katërti duhet që vendi të përbëjë kërcënim për sigurinë kombëtare të vendit që ndërmerr këtë procedurë, nuk ekziston.
Së pesti duhet të konstatohet kthimi mbrapa në zbatimin e të gjithë kritereve teknike të përcaktuara për lëvizjen e lirë dhe këto kritere gjykohen nga KE, i cili në dhjetor të vitit të kaluar ka nënvizuar se Shqipëria i plotëson.
Qeveria holandeze nuk ka ndërmarrë ende hapin t’i drejtohet KE, pastaj KE nëse ka një adresim nga qeveria përkatëse merr dhe shqyrton kriteret për të cilat sapo fola, që bazohen ën shifra reale dhe jo në retorikën e kalljes së datës dhe futjen e ankthit për turistët që vijnë./ Tirana Today
Denonco ne TT