Kryeministri Rama ka reaguar pasi Parlamenti bullgar ka kaluar një rezolutë për heqjen e vetos mbi fillimin e bisedimeve të pranimit në BE me Shkupin, bazuar në një propozim të Presidencës franceze të Këshillit të BE.
Kreu i qeverisë shqiptare, Edi Rama zbulon me anë të një postimi në Twitter se është telefonuar nga kreu i opozitës bullgare Boyko Borissov. Rama shprehet falenderues ndaj tij si dhe shton se partia e tij i ka shpëtuar fytyrën Bullgarisë dhe BE-së.
“Sapo mora një telefonatë nga @BoykoBorissov. Nuk mund ta falenderoja sa duhet për mendimin e tij të mirë që më thirri, por mund ta falenderoja për rolin e tij përcaktues në heqjen e VETO-s në parlament! Mik i vërtetë, lider i vërtetë. Partia e tij GERB dhe të tjerët shpëtoi fytyrën e Bullgarisë dhe BE-së! Tani BE duhet të veprojë shpejt!”.
Just got a call from @BoykoBorissov. I couldn’t thank him enough for his kind thought to call me,but could thank him for his defining role in getting rid of the VETO in parliament! Real friend,real leader.His party GERB&Others saved the face of Bulgaria&EU!Now EU should act fast!
— Edi Rama (@ediramaal) June 24, 2022
