E enjte, 21 Tetor, 2021
8.5 C
Tirana

Vishaj-Llallës: Vetë na i mësove “peshqit e mëdhenj”, dil dhe trego kush janë

Policia zbarkoi mbrëmjen e djeshme në shtëpinë e Adriatik Llallës, pak orë pas vendimit të formës së prerë të Apelit të Gjykatës së Posaçme, për dënimin me 2 vite burg. Ata kanë ndenjur vetëm 15 minuta, dhe kanë konstatuar që Adriatik Llalla nuk ndodhet në banesë.

Ndërkohë, burimet bëjnë me dije se gruaja e tij ka deklaruar se nuk është në dijeni se ku ndodhet bashkëshorti i saj.

Lidhur me këtë çështje, Kreu i Shoqatës së Avokatëve Penalistë, Saimir Vishaj, ka përshëndetur vendimin e Gjykatës së Posaçme të Apelit.

Një ditë më parë, disa shqiptarë në Romë publikuan fotot e Llallës duke pritur trenin, ç’ka rrëzon pretendimet e avokatit se ish-kryeprokurori po merr mjekim në një spital. Avokat Vishaj ka deklaruar se vendimi i djeshëm i Apelit të GJKKO, është një moment historik, pasi sipas tij, vetë gjyqtarët e prokurorët treguan se reforma në drejtësi po funksionon teksa dënuan një ish-kryeprokuror.

“Le të flasë sot për peshqit e mëdhenj. Le të flasë sot çfarë ka ndodhur në jetën e tij profesionale si kryeprokuror. Peshqit e mëdhenj na i mësoi Llalla, le të dalë të tregojë kush janë peshqit e mëdhenj që ka pasur në dosje. Nëse është i ndërgjegjshëm të shkojë të dorëzohet”, deklaroi ai.

Më tej avokat Saimir Vishaj theksoi se ish-kryeprokurori Llalla, si një ish-zyrtar i drejtësisë duhet të zbatojë vendimin e gjykatës që ishte i formës së prerë, dhe nëse fshihet është i vetëdijshëm se është fajtor. “Sot duhet duartrokitur një vendim, por problemi është se pandëshkueshmëria duhet të sundojë në çdo sferë. Duhet të presim që kambanat të bien edhe për ministrat e ish-ministra, për të pasur respekt për reformën në drejtësi”, tha më tej avokati.

- Reklama -

Më shumë nga kategoria




Të fundit

Paloka reagon pas deklaratës së Bashës: Ndal përçarjen!

Deputeti i PD-së dhe njëherazi kryetari i Këshillit Kombëtar, Edi Paloka, ka reaguar pas deklaratës së liderit të partisë Lulzim Basha, i cili tha...

77 mandate PS-ja?

Nga: Eduard Zaloshnja “Do të kishim marrë jo 74, por 77 mandate, nëse shumë nga ata që na votuan nuk do të kishin ngatërruar numrin...

‘Reshje shiu me intensitet të ulët’, parashikimi i motit për nesër

Duke filluar nga dita e nesërme, mbi vendin tonë depërtojnë gradualisht masa ajrore të paqëndrueshme me origjinë veriperëndimore. Moti parashikohet me alternime kthjellimesh e vranësirash...

A duhet shtetëzuar transporti urban?

Nga: Klodian Tomorri Ka patur një debat mes ekonomistëve nëse shërbimi i transportit urban është apo jo monopol natyror? Evans në vitin 1991 studioi shërbimin...

Do jepni dorëheqjen nga PD? Basha: 95% e demokratëve më duan

Në një prononcim për gazetarët nga selia blu, kryedemokrati Lulzim Basha tha se 95% e demokratëve e duan në krye të betejës. Nga ana...