E hënë, 24 Janar, 2022
-0.5 C
Tirana

Vijon krisja mes LSI-së dhe PD-së, Meta me deputetët e tij në sulm ndaj Bashës

Ish-kryeministri Berisha vijon me sulmet ndaj kryedemokratit Basha, e duket se në krahë ka edhe presidentin Meta. Kryetarja e LSI-së, Monika Kryemadhi, ka sulmuar më herët kreun e PD-së, Lulzim Basha. Ajo ka reaguar pas sulmeve që Lulzim Basha i bëri për herë të parë Ilir Metës duke e cilësuar atë si tekëndëeshi i Bermudës. Kryetarja e LSI-së i është përgjigjur me ironi dhe nënkuptime të forta kryedemokratit, se ‘nuk pret asgjë të re nga fronti i Lindjes’.

“Për mua, asgjë e re nga fronti i Lindjes”, deklaroi Kryemadhi për VOA.

Ndërsa dje, akuza ndaj Bashës ka artikuluar edhe nënkryetarja dhe deputetja e LSI-së, Erisa Xhixho. Kjo e fundit duke folur dje në Këshillin e Legjislacionit, iu drejtua mazhorancës lidhur me ndryshimet Kushtetuese, ndërsa ua bëri të qartë se ata janë mësuar me opozitë false, por që gjërat kanë ndryshuar.

“Ndryshimet në Kushtetutë janë bërë një praktikë rutinë, gjë që dëshmon mungesë serioziteti dhe paaftësi të klasës politike. Gjykoj se një analizë e detajuar e ecurisë së reformës, do të na ndihmonte të krijonim bindje për domosdoshmërinë e ndryshimit të propozuar. Ndryshimet në Kushtetutë nuk mund të na vijnë papritur, dhe të vihemi para faktit të kryer. Nëse ju si mazhorancë keni krijuar një bindje të caktuar për këtë ndryshim, për sa kohë duhen edhe votat e opozitës, duhet të na jepni kohën e nevojshme që edhe ne të krijojmë bindjen tonë.

Të mësuar me “fake opozitën”, me të cilën ju të mazhorancës i bëtë ndryshimet e Kushtetutës në pranverën para zgjedhjeve te 25 prillit, duhet të kuptoni se realiteti politik ka ndryshuar. Ndryshimet në Kushtetutë kanë nevojë për më shumë transparencë, kanë nevojë për më shumë sinqeritet, për frymë bashkëpunimi. Padyshim edhe për praninë e mendimit të ekspertëve tanë më të mirë, e madje mendimi i konstitucionalistëve duhet të prevalojë në këtë proces”, tha Xhixho.

Lexo edhe :   Braho: Amerikanët duan që Berisha të zhduket nga faqja e dheut

Ish-kryeministri Sali Berisha ka nisur një luftë të fortë për të mos i dështuar Kuvendi Kombëtar i Partisë Demokratike. Pak ditë më parë nga qyteti i Kavajës, ish-kryeministri Berisha zbuloi se Kuvendi Kombëtar i PD-së do të mblidhet më 11 dhjetor të këtij viti, ndërsa paralajmëroi se do të zhbëjë vendimin e kryedemokratit Lulzim Basha që e përjashtoi nga grupi parlamentar demokrat.

Lexo edhe :   Kur do të eliminohet Berisha?

Berisha do të garojë për postin e kryetarit të Partisë Demokratike. Ai ftoi të gjithë demokratët që të firmosin formularët e shpërndarë dhe të hapet zyrtarisht gara. Pjesë e saj, Berisha tha se do të jetë edhe ai vetë.

“Ftoj çdo delegat të Kavajës, çdo delegat të Kuvendit Kombëtar të firmosin që të instalojmë primaret, që të rikthejmë referendumin, të firmosë natyrisht që të hapim një garë, në të cilën garantoj që çdo njeri që do hyjë, do ketë një garë të lirë. Natyrisht njëri prej tyre do të jetë edhe Sali Berisha”, tha ai ndër të tjera.

- Reklama -

Më shumë nga kategoria




Të fundit

Sulm ajror në burgun e Jemenit, të paktën 70 të vrarë

Të paktën 70 njerëz u vranë në një sulm ajror në një burg, dhe të paktën tre fëmijë vdiqën në një bombardim të veçantë,...

Shtetet e Bashkuara pezullojnë 44 fluturime të linjave ajrore kineze

Qeveria e Shteteve të Bashkuara njoftoi të premten pezullimin e 44 fluturimeve ajrore të katër kompanive kineze nga Shtetet e Bashkuara drejt Kinës. Pezullimi...

Caktohet data për zgjedhjet në FSHF

FSHF u ka dhënë fund dilemave, pasi është caktuar data e zgjedhjeve për president. Federata Shqiptare e Futbollit, i ka dhënë fund dyshimeve rreth...

Kosova sërish vend i rrezikut të lartë për Gjermaninë

Varianti Omikron ka shtuar ndjeshëm shifrat e infektimeve në Kosovë. Nga dita e dielë (23.01; 00:00) Kosova futet sërish në listën e vendeve të...

Armët vdekjeprurëse amerikane mbërrijnë në Ukrainë

Rreth 90 ton "ndihma vdekjeprurëse" nga SHBA-ja kanë mbërritur në Ukrainë, mes tensioneve për grumbullimin e trupave ruse në kufi. Kjo ishte dërgesa e...