Një rast i çuditshëm është shënuar në Laç, ku policia e ka çuar çështjen në Prokurori, pasi është vjedhur një pulë.
Raportohet se kjo ngjarje, në dukje komike, ka ndodhur në 3 prill në vitin 2019 në fshatin Fushë-Mamurras të rrethit Kurbin.
Por çfarë ka ndodhur?
Një pulë është vjedhur në kasollen e një banori në këtë fshat, shkruan “abcnews.al”.
Policia nuk e ka zgjidhur vetë këtë shkelje, por e ka referuar në Prokurori.
Sigurisht edhe vjedhja qoftë edhe e një pule është krim, por kur gjithçka ndodh në një periudhë kur rrëmbehen dhe zhduken njerëz, një ngjarje e tillë nuk ka se si të mos shkaktojë të qeshura.