Të Gjitha

Video/11 vite nga tragjedia e Gërdecit, pse ka munguar drejtësia

               Publikuar në : 15:31 - 15/03/19 marsela

“Gërdeci”, mbetet njolla më e turpshme e dështimit të shtetit shqiptar për të bërë drejtësi, për 26 të vrarët dhe mbi 300 të plagosurit e shpërthimit të tmershëm të 15 marsit 2018. Ata që u dënuan për “aksidentin teknologjik”, përfituan ulje të dënimit, dhe janë tashmë të lirë. Familjarët e viktimave, enden akoma dyerve të gjykave, për të kërkuar drejtësi.

Po pse ka munguar deri tani? Së pari, për shkak të korrupsionit. Gjyqtarët e kësaj dosje, janë shkarkuar nga vetingu pasi nuk justifikonin dot pasurinë prej qindra mijëra eurosh. Së dyti, për shkak të implikimeve të politikës. Biznesmeni Kosta Trebicka, që ndërroi jetë në një “aksident” misterioz në Voskopojë të Korçës, nxorri emrin e Sali Berishës dhe djalit të tij Shkëlzenit, si personat që i morën padrejtësisht aktivitetin e demontimit, për të cilin ai ishte nënkontraktuar i pari nga amerikani Efraim Diveroli.

Së treti, afera korruptive ishte sigurisht më e madhe në SHBA, ku Pentagoni kishte paguar 300 milionë dollarë për të blerë municione të reja, në një kohë që ato ishin prodhime kineze të 50 viteve më parë. Gjatë një hetimi parlamentar, kongresmeni demokrat Henri Uaksman, zbuloi se për këtë mashtrim kishin dijeni njerëz në Departamentin e Shtetit por edhe njerëz në ambasadën amerikane në Tiranë. Por në nëntor të atij viti në SHBA do të votohej për presidentin e ri, dhe republikanët nuk dëshironin probleme. Ndaj si në SHBA ashtu edhe në Shqipëri, pati dënime të personave më të ekspozuar si Ylli Pinari, Mihal Delijorgji, Efraim Diveroli apo Dejvid Pakuz, ndërsa u shmang hetimi në themel mbi drejtuesit dhe përfituesit më të mëdhenj të asaj aferre korruptive.

Kthehu
WhatsApp Denonco ne TT