E shtunë, 31 Korrik, 2021
31.5 C
Tirana

Video/Ndeshje e çmendur me 8 gola, Spanja kalon Kroacinë pas 120 minutash lojë

Përfundon supersfida e fazës së 1/8. Spanja ia ka dalë në minutat shtesë, që të sigurojë kualifikimin në çerekfinale. Skuadra e drejtuar nga Luis Enrike, triumfoi ndaj Kroacisë me rezultatin 5-3, pasi 90 minutat e këtij takimi u mbyllën në barazim 3-3.

Gafa e portierit Unai Simon, në minutën e 16, i kushtoi shtrenjtë Spanjës. Ai gaboi në kontrollin e topit, pas një kthimi të lehtë nga mesfushori në drejtim të portës së tij.

 

Në minutën e 38, Spanja barazoi shifrat. Portieri i Kroacisë nuk mundi të bëjë asgjë në lidhje me goditjen e Sarabia, i cili shënoi dhe dërgoi ndeshjen në baraspeshë.

 

Në minutën e 57, Spanja përmbysi ndeshjen me Ferran Torres, që nisi nga e majta, një krosim perfekt për Azipilikueta, që goditi lehtë me kokë dhe dërgoi topin në rrjetë. Për kapitenin e Çelsit, ky është goli i parë me kombëtaren.

 

20 minuta më vonë, Spanja trefishoi rezultatin. Mbrojtja kroate vazhdoi me shfaqjet e dobëta dhe Ferran Torres, arriti të përfitonte duke shënuar edhe golin e tretë.

 

Por, Kroacia nuk u dorëzua dhe me anë të surprizës së Europa League, Mislav Orsiç shkurtoi diferencën.

 

Kur mendohej se ndeshja do të përfundonte me fitoren e Spanjës, Kroacia barazoi shifrat, duke e dërguar ndeshjen në shtesë.

 

Gol edhe për Alvaro Moratën. Me një goditje të dhunshme të topit, shënoi dhe i dha avantazhin Spanjës në minutën e 100. Pas një gafe të Brekalos, që humbi topin, sulmuesi përfitoi dhe shënoi një gol që pati peshë të madhe dhe justifikoi besimin e trajnerit Enrike, që e hodhi në fushë dhe e la për më shumë se 90 minuta.

 

3 minuta më pas, Spanja realizoi edhe golin e pestë dhe të qetësisë me Ojarzabal. Në çerekfinale, Spanja do të ndeshet me fituesin e çiftit Francë-Zvicër, ndeshje e cila do të luhet pas pak minutash në “Arena Nacional” të Bukureshtit.

- Reklama -

Më shumë nga kategoria




Të fundit

117 milionë euro, Manchester City pranë blerjes rekord

Manchester City është shumë afër goditjes së radhës në merkato. Sipas shtypit anglez, mungon shumë pak për arritjen e marrëveshjes për mesfushorin e Aston Villa-s,...

Koronavirusi/ Profesori grek: Do të krijohen më shumë mutacione ngjitëse

Profesori Theodoros Vasilakopoulos në një intervistë për mediat vendase, foli për rrjedhën e pandemisë në vend dhe procesin e vaksinimit ku thotë se ashtu...

Teatri Kombëtar në pronësi të Bashkisë/ PD: Rama nuk pyet për drejtësinë

Partia Demokratike ka reaguar ashpër ndaj vendimin e qeverisë për t'i kaluar truallin e Teatrit Kombëtar në pronësi të Bashkisë së Tiranës. Deputetja e zgjedhur...

Varianti Delta përhapet me shpejtësi në Shtetet e Bashkuara

Presidenti Joe Biden po u kërkoi punonjësve të qeverisë federale të dëshmojnë statusin e tyre të vaksinimit. Të pavaksinuarit do të duhet të mbajnë...

Si duket Serbia…

Nga Emin Azemi Serbia e Edi Ramës kufizohet direkt me Shqipërinë (!) Kjo Serbi, Kosovën e konsideron pjesë të saj dhe, për rrjedhojë, Edi Rama...