Një makinë tip BMV X6 është vjedhur nga persona ende të paidentifikuar mbrëmë në Vlorë. Vjedhja spektakolare ka ndodhur rreth orës 21.30 minuta.
Makina është vjedhur në mes të qytetit, edhe pse kishte një sistem të sofistikuar sigurie. Biznesmeni ishte vetëm disa metra larg kur ka ndodhur grabitja. Ka dyshime të forta se për të grabitur makinën luksoze, është përdorur një çelës kopje.
Paraprakisht dyshohet se makina mund të jetë dërguar në Fier, madje për kopjimin e çelësit po hetohen edhe dy servise në Fier. Policia dhe hetuesit po vijojnë kërkimet në Fier, dhe në qytete të tjera. Makina është ngjyrë gri, me targat AA 233.