E martë, 19 Janar, 2021
-6 C
Tirana

Video e frikshme/ 5 huliganë të Olympiacos rrahin për ‘vdekje’ tifozin e Panathinaikos

Një video e frikshme është shpërndarë nga media greke “Newsbomb”, ku tregon dhunën ekstreme të ushtruar nga një grup huliganësh futbolli. Videoja është filmuar nga vetë agresorët , ku tre prej tyre e mbajnë me duar “gjahun” e tyre, ndërsa dy të tjerë e rrahin fort. Agresorët, që mendohet se janë pesë ultras të Olympiacos, i marrin edhe çantën me një sasi të vogël parash dhe ikin.

I plagosuri denoncon në polici, e cila e trajton incidentin si një grabitje. Sulmi ndodhi kur tifozi i Panathinaikos, që punonte si shpërndarësh picash, po dërgonte një porosi në një adresë të caktuar, në Ilion, Athinën Perëndimore, më 18 shkurt 2019.

Sipas mediave, sulmuesit ia kishin ngritur kurthin, duke pretenduar se ishin klientë dhe kishin bërë porosinë. Pas hetimeve, në fillim të marsit u zbulua se sulmi nuk ishte bërë për grabitje. Huliganët e Olympiacos e sulmuan atë për rivalitet, sepse ishte tifoz i zjarrtë i Panathinaikos.

Një nga autorët e krimit e kishte filmuar sulmim dhe e kishte postuar në internet. Videoja synonte të bëhej “virale” dhe të dëshmonte “suksesin” karshi rivalëve të tyre. Një luftë në internet shpërtheu midis grupeve të tifozërive rivale, prandaj agresorët e fshinë videon, por ishte tepër vonë.

Filmimi ishte ruajtur, ai u ngarkua përsëri dhe u përhap nëpërmjet internetit e medias greke. Falë qëmtimit të saj, u vërtetua se viktima ishte një tifoz ultras i Panathinaikos. Policia e Athinës po mundohet të identifikojë dhunuesit. Përleshjet mes huliganëve të Olympiacos dhe Panathinaikos janë shtuar në javët e fundit.

Sipas njoftimeve të medias, policia ka bastisur klubet (rezidencat) e tifozëve të të dyja ekipeve rivale të futbollit grek në disa zona të Athinës, të enjten në mbrëmje.

Lexo edhe :   Studimi/ Një në tetë pacientë të shëruar nga Covid-19 vdesin brenda 5 muajve
- Reklama -

Më shumë nga kategoria




Të fundit

Mesi e gjuajti me shpullë, sulmuesi i Bilbaos: Ai u nxeh sepse e bllokova

Sulmuesi i Atletik Bilbaos, Asier Vijalibre do të mbahet më shumë mend për faktin se detyroi Lionel Mesin të ndëshkohej me karton të kuq...

Qeverisje me PS? Duma: Zero shanse, ofendim për sakrificat e demokratëve

Ish-deputetja Grida Duma hodhi poshtë mundësinë e një koalicioni të madh mes PS- së dhe PD-së. E pyetur për thashethemet që qarkullojnë së fundmi për...

Mediu: Të biem dakort me PD-në sa më shpejt të jetë e mundur që të mundim Ramën

Kryetari i Partisë Republikane, Fatmir Mediu është shprehur se bisedimet me Partinë Demokratike për arritjen e një marrëveshjeje vijojnë. Në ''Open”, Mediu tha se PR-së...

“Pyetjet i merr nga Basha“/ Gazetarja-Topallit: Merre telefonin shikoje

Gazetarja e ABC, Esiona Konomi dhe kryetarja e Lëvizjes për Ndryshim, Jozefina Topalli, janë përplasur në emisionin ''Log'' në lidhje me bashkëpunimin e tyre...

Akuza për spiunazh, Rusia dëbon dy diplomatë holandezë

Rusia ka dëbuar dy diplomatë holandezë në një veprim reciprok pasi Holanda dëboi dy diplomatë rusë në fund të vitit të kaluar. Ministria e Punëve...