E shtunë, 23 Janar, 2021
12 C
Tirana

Vasili: Shqipëria përmbytet, Rama shpërblen me 10 mln euro 2 kompani

Nënkryetari i LSI, Petrit Vasili ka akuzuar kryeministrin Rama, se teksa Shqipëria po përmbytet nga reshjet e dendura të shiut, ai  po shpërblen me nga 5 milionë euro dy kompani.

Në një konferencë për mediat, Vasili u shpreh se këto kompani janë përgjegjëse për projektin e mbikalimit Tiranë-Elbasan dhe rrugën Palasë-Dhërmi.

Vasili thotë se kryeministrit nuk i intereson çfarë bëhet me qytetarët, por vijon vizitat jashtë Shqipërisë.

Sipas tij, 25 prilli është dita e ndëshkimit të madh për Ramën, duke shtuar se do të vendoset drejtësi për çdo tender të dhënë padrejtësisht.

DEKLARATA PËR MEDIAT E NËNKRYETARIT TË LSI, PETRIT VASILI

Të nderuar qytetare dhe qytetarë.

Qeveria e Edi Ramës vetëm sot, në këto momente që komunikojmë, ka vazhduar megjithëse përmbytjet kanë pushtuar Shqipërinë anembanë, tenderët e saj të pafund e të pamëshirshëm për qytetarët.

Vetëm për dy tenderë për mbikalimin Tiranë – Elbasan dhe për rrugën Palasë – Dhërmi kjo qeveri shpërblen dy kompani duke ua dhënë tenderin pikërisht çmimeve më të larta, përkatësisht nga 5 milion e ca euro më shumë se sa çmimi më i ulët.

Pra shqiptarëve iu grabitën 10 milionë euro në një dorë, në kohë pandemie, kur 10 milionë euro do të thonë miliona doza vaksinë, të cilat s’kanë nevojë t’u lypen lart e poshtë, por mund të paguhen dhe shqiptarët të fillonin vaksinimin.

Dhjetëra kanale ujitëse, hidrovorë mund të bëheshin me milionat e eurove. 10 milion janë vetëm dy tenderë, por tenderë pa fund të tillë, sekret, të drejtpërdrejtë, tenderë që u jepen klientëve të qeverisë, të cilët kanë dhënë emrin borxh e pas të cilit qëndrojnë pronarët e vërtetë të këtyre parave, pronarë politikë dhe mediatikë.

Dhe këto para, miliona të shpërdoruara, ndërkohë që jemi në pandemi, që jemi pas dy tërmeteve, bëjnë që të mos kemi as mjete logjistike, mos ketë ekskavatorë, të mos ketë mënyrë të tjera për të ndërhyrë për të çliruar situatën e Shqipërisë nga ujërat pa mbarim, që po shkatërrojnë pronën e njerëzve dhe po rrezikojnë shëndetin e mijëra qytetarëve anembanë vendit.

Është e qartë që Shqipëria është e fundit për Edi Ramën, i cili ndonëse vendi është pllakosur nga përmbytjet, vazhdon i qetë vizitat e tij të turizmit politiko-mediatik jashtë vendit dhe nuk shkruan asnjë fjalë dhe nuk interesohet fare për Shqipërinë që është vetëm pak kilometra me larg.

Një kryeministër i përgjegjshëm do të kishte ndërprerë çdo aktivitet jashtë vendit, do të ishte këtu në krye të punëve, së bashku me ministrat e tij bashi-buzukë, të cilët nuk gjenden gjëkundi e që u janë fshehur qytetarëve duke i lënë në mëshirë të fatit, por që të cilët janë të gjithë vigjilentë për të bërë tenderë pa mbarim e ku vetëm në një ditë 10 milion euro, 12 miliard e ca lekë të vjetra rrëmbehen nga xhepat e shqiptarëve, të cilat mund t’u ishin kthyer në spitale që nuk mbarojnë asnjëherë, mund të ishin kthyer pa asnjë diskutim në mbështetje për biznesin, i cili vuan dhe përfundimisht mund të ishin blerë mijëra e miliona mjete mbrojtëse që më shumë se 30 mjekë që humbën jetën e plot të tjerë të infektuar të mos t’u ndodhte.

Pra, kjo qeveri në vend që të ndërpriste çdo lloj procedure tenderimi e ku pandemi në njërën anë, shërbimi shëndetësor në anën tjetër, veprat kulluese e hidrovorët që janë emergjencë e madhe civile e kombëtare të investoheshin, për ta nuk ka para, sepse këta duan të mbushin xhepat në ikje e sipër dhe të thonë: S’ka gjë. Le të mbetet qameti nga pas. Le t’u mbeten borxhet këtyre. Boll ne të kemi sistemuar siç duhet paratë tona nëpërmjet kompanive që japin me bujari borxh emrin e tyre për të vënë në lëvizje paratë e pista të qeverisë e të klientëve të tjerë të saj politiko – mediatikë.

Koha nuk pret, 25 prilli është dita për të shpëtuar të tërë shqiptarët, të cilët çdo ditë që qëndron kjo qeveri, vetëm do të grabiten në mënyrë të pamëshirshme. Nuk rreshtin që të grabisin 10 milion euro në një dorë, mendoni se ç ‘tmerre i kanë ndodhur Shqipërisë me miliarda në këto vite, duke i lënë një greminë financiare, vetëm e vetëm që në këtë greminë të mbyten shqiptarët e varfër e të zakonshëm dhe këta me xhepat plot të ikin larg Shqipërisë.

25 prilli do të jetë dita e ndëshkimit të madh, e hapjes së çdo letre, e verifikimit të çdo procedure, e tejkalimit të çdo norme që rregullon dhe ligjet e shtetit shqiptar, dhe të jenë të bindur që jo sot, pas 3 muajsh, pas 6 muajsh, pas 7 muajsh do të jenë para drejtësisë dhe asnjë truk, asnjë klient i tyre, asnjë që jep hua emrin nuk do të shpëtojë dot nga ndëshkimi.

- Reklama -

Më shumë nga kategoria




Të fundit

E trishtë/ Ndërron jetë në moshën 35-vjeçare ish-sulmuesi

Ish-sulmuesi xhamajkan, Luton Shelton ka ndërruar jetë në moshën 35-vjeçare, për shkak të një sëmundje. Shelton ishte diagnostikuar në vitin 2018 me sëmundjen “ALS”, e...

Berlini përgatitet për konsultime me administratën Biden

Lehtësimi i jashtëzakonshëm u shpreh në Gjermani që kur Joe Bideni i fitoi zgjedhjet presidenciale. Kurse të mërkurën (20.01.), kancelarja Angela Merkel i shkroi...

Samsung u ngrit si një dyqan që shiste perime, dhe kuriozitete që nuk i dinit

Sistemi ligjor i Japonisë ka një normë dënimi prej 99 për qind. Peshkimi mbetet profesioni i dytë më i rrezikshëm i Shteteve të Bashkuara, pas...

Analisti: Basha do ketë Tiranën, ja kush do jetë drejtuesi i PD në Gjirokastër

Partia Demokratike ka emëruar drejtuesit politik në pjesën më të madhe të qarqeve, ndërkohë që janë ende për t’u zbuluar se cilët do të...

A do jetë sërish kandidat për deputet? Ja si përgjigjet Ervin Salianji

Ervin Salianji është shprehur se ekziston mundësia që ai të jetë kandidat për deputet në listën e Partisë Demokratike. I ftuar në “Zonë e lirë”,...