Nënkryetari i LSI-së, Petrit Vasili, ka shigjetuar sërish kryeministrin Rama lidhur me projektin Ballkani i Hapur. Vasili shprehet se Open Balkan është një produkt politik rus dhe se udhëhiqet nga Serbia, duke shtuar se ka për hysmeqar një servil si kreu i qeverisë Edi Rama.
Vasili thotë se Serbia dje dhe Rusia sot janë të së njëjtës politikë agresive dhe pushtuese, dhe të të njëjtit mentalitet antidemokratik. Në fund ai e mbyll statusin e tij në Facebook duke vënë në dukje se Rama është pjesë dhe peng i agjendave te errëta antishqiptare, anti Europë dhe anti Kosovë.
Kujtojmë këtu se FIFA ka ndaluar ndeshjet e futbollit në Rusi. Asnjë ndeshje ndërkombëtare futbolli nuk do të luhet në Rusi, dhe flamuri e himni rus do të ndalohen nga çdo ndeshje e tyre jashtë vendit. FIFA tha se ekipi kombëtar nuk do të garojë nëpër kompeticione si ‘Rusi’, por si Unioni i Futbollit të Rusisë (RFU) dhe çdo lojë do të mbahet pa tifozë, në “territor neutral”. Vendimi vjen si pjesë e sanksioneve kundë Rusisë, pas pushtimit të Ukrainës.
Ja se çfarë shkruan Vasili
Rama s’luan futboll me Rusine, por shtrengon fort Ballkanin e Hapur Rus! U vendos! Shqiperia nuk do te luaje futboll me Rusine. Kete e tha me vrap qeveria sa qe nuk i la radhe as Federates Shqiptare te futbollit qe te fliste. Ndersa per Ballkanin e Hapur Rama ose belbezon ose qep gojen. Ballkani i Hapur ky produkt produkt politik rus udhehiqet nga Serbia dhe ka per hysmeqar nje servil si Edi Rama.
Serbia u pozicionua qarte ne krah te Rusise agresores se Ukraines, pra ne krah te luftes dhe kunder paqes. Ne keto dite dramatike per gjithe boten kur Rusia eshte versulur mbi Ukrainen ne shqiptaret provojme dhe kujtojme ndjenja e shqetesime akoma me te medha dhe teper te forta.
Ne kujtojme Serbine agresore dhe genocidiste, qe egersisht godiste vellezerit tane ne Kosove, kujtojme mijera te vrare, te dhunuar dhe eksodin e pashembullt biblik te tyre. Serbia dje dhe Rusia sot jane dy ane te se njejtes medalje, te te njejtes politike agresive dhe pushtuese dhe te te njejtit mentalitet antidemokratik.
Po çfare ben akoma Edi Rama ne Ballkanin e Hapur? Po si mundet qe Edi Rama rri aty ne krah te nje Vuçiçi, qe ai vete me arme ne dore ka qene nje ushtrues i dhunes agresive pushtuese dhe qe udheheq sot Ballkanin e Hapur te Edi Rames?
Po si mundet qe Edi Rama zgjodhi Vuçiçin dhe jo Kosoven martire, boll qe Ballkani i Hapur te kenaqte Serbine genocidiste ?
Po si mundet Edi Rama rri akoma ne Ballkanin e Hapur kur ai vetem shkreton interesat e Shqiperise dhe hedh ne rruge mijra fermere te te ndershem dhe puntore shqiptare?
E kam thene shpesh here se Edi Rama eshte pjese dhe peng i axhendave te errta antishqiptare, anti Europe dhe anti Kosove.
Te mos luash futboll me Rusine dhe te ne te njejten kohe te vazhdosh te rrish ne Ballkanin e Hapur Rus eshte prove e qarte e pengmarrjes pa kthim te Rames.
Asnje thirrje Rames per tu larguar nga Ballkani i Hapur nuk ka as efekt dhe as kuptim sepse pengmarrja e tij eshte kaq e forte sa qe ai nuk merr dot vetë më asnje vendim.
Te vetmin vendim, qe pengmarresit i kane lene Rames eshte…..te mos luaje futboll me Rusine.
