Politikë

Vasili publikon videon: Si u bllokua Këshilli i Emërimeve në Drejtësi


               Publikuar në : 11:24 - 09/11/19 M D

Nënkryetari i LSI-së Petrit Vasili ka publikuar së fundmi një video në rrjetin social Facebook.

Ndër të tjera ai shkruan: “Shiheni videon për të kuptuar se si u sabotua, si u kap dhe si u bllokua Këshilli i Emërimeve në Drejtësi me qëllimin e vetëm që nëpërmjet saj dhe Ulsive Edi Rama të kapte drejtësinë”.

Postimi i plotë i Vasilit: “Ulsiu i Edi Ramës kundra Aurela Anastasit, për kapjen e Këshillit të Emërimeve në Drejtësi!! (VIDEO).

Ulsiu dihet se cili është….

Ndërsa Zj.Aurela Anastasi ishte Anëtare e Grupit të Ekspertëve të Nivelit të Lartë të Reformës në Drejtësi.

Se cili ishte roli që ju dha ekspertëve të Nivelit të lartë në procesin e hartimit të Reformës në Drejtësi, ku bënte pjesë edhe Zj.Aurela Anastasi, këtë na e ilustron më së miri fjala e Kryetarit të Komisionit të Reformës Fatmir Xhafaj në 28 korrik 2016 në Pallatin e Brigadave në ceremoninë e miratimit të saj.

Xhafaj:

“Në të gjithë bëmë diçka, një proces i shkëlqyer i pandodhur më parë, transparent e profesional, thelbi i procesit ka qenë grupi i ekspertëve të nivelit të lartë.

Falënderoj ekspertët të cilët punuan në mënyrë të pandërprerë, me integritet të plotë për përgatitjen e akteve që përbëjnë reformën në drejtësi. Më vjen keq që një pjesë e jonë e politikës shpesh herë hedh baltë dhe kërkon të bëjë pis punën tuaj.

Jo pak fjalën të rënda u thanë për ju. Tani kur e gjithë politika shqiptare si asnjëherë tjetër, miratoi reformën duhet të kërkohet ndjesë publike. 140 votat pro për reformën janë përgënjeshtrim i asaj që është thënë kundër jush”.

Ndërsa Ulsiu është kundër të gjithëve. Është kundër ekspertëve të nivelit të lartë, është kundër ish-kryetarit Xhafaj, është kundër drejtësisë së pavarur të barabartë për të gjithë, por Ulsiu është ama pro drejtësisë së kapur, është pro Edi Ramës që e kapi atë.

A ka njeri me mend në kokë që beson Ulsiun dhe jo Aurelën?? Megjithatë shiheni (VIDEON), për të kuptuar se si u sabotua, si u kap dhe si u bllokua Këshilli i Emërimeve në Drejtësi me qëllimin e vetëm që nëpërmjet saj dhe Ulsive Edi Rama të kapte drejtësinë. (VIDEO)”.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

Kthehu
WhatsApp Denonco ne TT