E martë, 25 Janar, 2022
-4.5 C
Tirana

Varhelyi: Kemi marrë dakordësinë për çeljen e negociatave me Shqipërinë

Komisioneri evropian për Zgjerim, Oliver Varhelyi, në një konferencë për shtyp me kryeministrin Rama, tha se është dhënë dakordësia për çeljen e negociatave me Shqipërinë dhe Maqedoninë  e Veriut. Ai u ndal edhe tek raport-progresi që u prezantua dje, ku vlerësoi punën e Shqipërisë, por theksoi se ka ende punë për t’u bërë.

“Shpresoj që qytetarët e Shqipërisë do ta shikojnë këtë si lajm të mirë. Ne e bëmë të qartë se do të vazhdojmë punën tonë me Ballkanin Perëndimor, dhe do ta bëjmë këtë gjë edhe me politikën e zgjerimit, pasi e kemi atë shumë seriozisht.

Ne kemi mundur të marrim dakordësinë për çeljen e negociatave me Shqipërinë dhe Maqedoninë e Veriut, dhe kalojmë te segmenti i tretë i kësaj pune të madhe, që ka të bëjë me zhvillimin ekonomik dhe planin e investimeve.

Ky është një plan që e kemi ndërtuar së bashku me vendet e Rajonit. Kemi projektuar këtë paketë, pasi plani që jemi këtu sot për të prezantuar, mund të ndryshojë panoramën e Rajonit në mënyrë shumë të konsiderueshme në 4-5 vitet e ardhshme.

Po flasim për një projekt madhor, një plan që do të mund të fokusohet tek ato aspekte që sjellin vende pune dhe rritjen e ekonomisë.

Jemi këtu për t’ju ofruar ndihmën tonë. Në Shqipëri jemi të gatshëm të sjellim ato projekte që janë të rëndësishëm në aspektin vendor. Jemi të gatshëm të flasin për “korridoret blu”, po ashtu të punojmë edhe për gazsjellësin, po ashtu edhe për dy projektet për hidrocentrale në vend dhe këto janë projekte madhore investimi, që do sjellin ndryshim shuam të madh. Pas 4-5 vitesh do të shohim edhe rikthimin e të rinjve në vend.

E shikojmë që ka ende sfida përpara dhe punë për të përforcuar, kundër korrupsionit, krimit të organizuar. Na duhet të jetë funksionale Gjykata Kushtetuese. Unë vizitova dhe anëtarët e ndryshëm të organeve të Vettingut. E gjithë kjo punë është kyç që Shqipëria të ecë përpara në konferencën ndërqeveritare. Ne na duhet reformë e rëndësishme zgjedhore, në bazë të së cilës të sigurohen zgjedhje të lira e të ndershme”, tha ai.

- Reklama -

Më shumë nga kategoria




Të fundit

Ndërron jetë aktori i njohur turk, luajti në serialin “Ertogrul”

Aktori i njohur turk, Ayberk Pekcan, ka ndërruar jetë në moshën 51-vjeçare. I ndjeri ka luajtur në serialin “Ertogrul” dhe “Osman”. Mediat turke thonë se...

Gjirokastritët dhe korçarët më punëtorë, Lezha, Dibra dhe Tirana më “dembele”

Qarqe të ndryshme të vendit shfaqin sjellje ekstreme ndaj punës, pasi në disa prej tyre popullsia në moshë punë (+15 vjeç) shfaq një interes...

Makthi i Berishës nga institucionet që nuk e njohin

Nga: Mero Baze Sali Berisha tani ka nisur luftë me çdo institucion zyrtar, politik apo fetar që nuk e pranon më si Kryetar të PD,...

“Blindohen” zgjedhjet në Shoqatën e Tiranës, hyrja me kartë identiteti

Në orën 15:00 do të nisin zgjedhjet e Shoqatës Rajonale të Futbollit të Tiranës. Aktualisht është vënë re prezencë e forcave të policisë private,...

Nis hakmarrja pas përgjimeve, Tatimet ‘mësyjnë’ te bizneset e Armand Dukës

Bashkia e Tiranës me në krye Erion Veliaj, ka marrë zotimin për të "pastruar futbollin". Prokuroria e Tiranës ka nisur sot një hetim për...