Disa ditë pas tragjedisë në Letoni, ku humbën jetën dy ushtarë shqiptare, grupi i ushtarakëve që ndodhen me detyrë atje i është rikthyer shërbimit.
Mësohet se grupi i xhenierëve shqiptar ka qenë ditën e sotme i pranishëm në seancën stërvitore.
“Sot, ekipi shqiptar EOD nga EFP Letoni demonstruan aftësitë e tyre gjatë një shpërthimi të kontrolluar të automjeteve”, njofton grupi i ushtarakëve.
Pas vdekjes në vend të nëntetares, Zarife Hasanaj, komandanti i Forcave të Armatosura, Leonid Kalnins njoftoi më herët se për shkak të kësaj tragjedie trajnimet do të ndërpriteshin deri në një urdhër të dytë.
“Ka një trajnim intensiv në luftën e Adazit, ky ishte një nga 10 milion – një incident tragjik. Një hetim rigoroz do të nisi për momentin. Kam urdhëruar një inspektim të plotë në depon për të gjetur mina ende të paeksploruara, deri atëherë nuk do të ketë më trajnime”, deklaroi Kalinins.
Nëntetarja Zarife Hasanj dhe major Klodian Tanushi, të cilët u shpallën dëshmorë të atdheut, humbën jetën gjatë shpërthimit të një mine në një mision në Letoni.
