Politikë

“U rrëzua gjuetia e shtrigave”/ Halimi: Gjykata vendosi drejtësi


               Publikuar në : 17:19 - 13/01/20 M S

Pasi Gjykata e Tiranës vendosi të pushojë çështjen për falsifikim ndaj tre zyrtarëve të Partisë Demokratike, mes tyre Lulzim Bashën, një nga avokatët e selisë blu, Eduard Halimi komentoi vendimin. Halimi u shpreh për mediat se vendimi i gjykatës provoi se e gjitha ishte një akuzë e bazuar në spekulime. Ai tha për mediat, se u provua pas 2 vitesh se gjithçka ishte një akuzë e sajuar, bazuar mbi spekulime.

“Vendimi i sotëm i gjykatës ishte vendim drejtësie. U provua pas 2 vitesh hetime se gjithçka ishte një akuzë e sajuar, bazuar mbi spekulime dhe u vërtetua se nga hetimet nuk kishte asnjë lidhje PD, dhe nuk kishte asnjë vepër penale për të dhe nuk ishte shkelur ligji nga ajo.

As për Shqipërinë, as në një vend tjetër. U vërtetua katërcipërisht se vepra penale nuk ekzistonte. Ishte vendim drejtësie. Ne jemi avokatë të çështjes. Ky ishte një vendim që rrëzoi të gjithë akuzën, të gjithë ‘gjuetinë e shtrigave’ që për 2 vjet u mbajt në territorin e Prokurorisë. Dhe u rrëzuan të gjitha akuzat ndaj PD. U pushua akuza, ajo nuk ekziston më”, tha Halimi.

Pushimi i çështjes për lobimin rus/ Ristani: U vendos drejtësi


Kthehu
WhatsApp Denonco ne TT