Transnistria, “parajsa“ e trafikantëve, dhe vendi ku adhurohet ende komunizmi

Transnistria është një republikë rebele brenda Moldavisë. Ajo u krijua pas shembjes së Bashkimit Sovjetik. Një e treta e mbi 500 mijë banorëve janë moldavë, një e treta ukrainas dhe një e treta rusë. Por shumica aspirojnë të jenë pjesë e Rusisë. Transnistria nuk njihet nga OKB, ndërsa Moska mban aty prej 28 vitesh 2 mijë trupa “paqeruajtëse”. Ata u vendosën këtu pasi shpallja e pavarësisë nga Moldavia shkaktoi në fillim një konflikt që shkaktoi mbi 1 mijë të vdekur.

Ky është i vetmi vend që tregon ende me krenari draprin dhe çekanin, simbolin e komunizmit në flamurin e tij. Në qytetin kryesor Tiraspol, ndodhet përmendorja më e madhe e Leninit, para godinës së parlamentit. Statusi i këtij rajoni, e ka bërë atë një “parajsë” për trafikantët e të gjitha llojeve. Bosët rusë të krimit e përdorin ende Transnistrian për të kaluar tranzit ngarkesat me drogë dhe armë drejt Evropës Perëndimore. Sipas një raporti të BE, vetëm në vitin 2016, 1.32 miliardë cigare kaluan kontrabandë në Transnistria.

Përktheu: Tirana Today