E hënë, 6 Dhjetor, 2021
11.5 C
Tirana

Tragjedi në Bullgari/Digjet autobusi me pasagjerë nga Maqedonia e Veriut

Një aksident tragjik ka ndodhur mëngjesin e sotëm në Bullgari, ku për pasojë kanë ndërruar jetë 45 shqiptarë të Maqedonisë së Veriut. Autobusi me të cilin ata udhëtonin, u aksidentua dhe më pas u përfshi nga flakët, duke i marrë jetën 45 personave, turistë, 12 prej të cilëve fëmijë.

Ngjarja u regjistrua rreth orës 02:00 të mëngjesit të sotëm. Autobusi maqedonas ka hyrë në Bullgari mbrëmë në orën 21:00 nga vendkalimi kufitar “Kapitan Andreevo”. Ai ka udhëtuar përmes autostradës “Trakia”, e më pas përmes autostradës “Struma” deri në kufirin me Maqedoninë e Veriut, në drejtim të pikës kufitare Gjueshevë, nga ku është dashur të largohet nga Bullgaria.

Aksidenti tragjik, Zaev në Bullgari

Kryeministri i Maqedonisë së Veriut, Zoran Zaev ka mbërritur në Bullgari pas aksidentit tragjik, ku humbën jetën 45 shqiptarë të Maqedonisë së Veriut. Zaev i ka shprehur ngushëllime familjeve të viktimave, ndërsa theksoi se në vendngjarje ka mbërritur edhe një ekip nga Maqedonia e Veriu. Zaev bëri me dije se për aksidentin e rëndë, e kishte informuar Presidenti bullgar, Rumen Radev.

Rama: S’kam fjalë për tragjedinë

Kryeministri Edi Rama ka shprehur ngushëllime lidhur me tragjedinë në Bullgari, ku një autobus mori flakë ku humbën jetën 45 shqiptarë nga Maqedonia e Veriut.

Rama shkruan se nuk ka fjalë për tragjedinë, dhe se kjo është vetëm dhimbje.

“S’ka fjalë për tragjedinë e autobusit nga Maqedonia e Veriut në Bullgari, ku kanë humbur jetën thuajse të gjithë udhëtarët. Dhimbje”, shkruan Rama.

Xhaçka: Shqipëria pranë Maqedonisë së Veriut dhe popullit të saj në këtë moment të vështirë

Ministrja e Jashtme, Olta Xhaçka ka reaguar pas aksidentit tragjik në Bullgari, ku humbën jetën 45 pasagjerë, shqiptarë të Maqedonisë së Veriut dhe mbetën të plagosur 7 të tjerë. Xhaçka i shpreh ngushëllimet familjarëve të viktimave, teksa thotë se Shqipëria gjendet pranë Maqedonisë së Veriut dhe popullit të saj në këto momente të vështira.

“Dhimbje e madhe për 45 jetët e humbura të shqiptarëve nga Maqedonia e Veriut gjatë aksidentit tragjik në Bullgari. Ngushëllimet më të sinqerta familjeve të viktimave dhe shërim të shpejtë të plagosurve. Shqipëria është pranë Maqedonisë së Veriut dhe popullit të saj në këtë moment të vështirë!”, shkruan Xhaçka.

- Reklama -

Më shumë nga kategoria




Të fundit

E shkarkuat Bashën, e pastaj …?

Nga: Artur Ajazi Foltoristët dhe kryetari i tyre Sali Berisha, po numurojnë me padurim të madh, sa ditë dhe sa orë, kanë mbetur deri ditën...

Dy raste me Omicron në Greqi

Me variantin Omicron u diagnostikuan dy rastet e dyshimta që ishin futur në mikroskopin e studiuesve të Greqisë. Bëhet fjalë për dy shtetas që kishin...

Ne përmbytemi rregullisht, e nuk vëmë mend nga asnjë fatkeqësi

Nga: Mentor Kikia Ka ndryshuar klima o budallenj! Duhet të ndryshojmë dhe ne, ndryshe do të ngordhim. Vetëm pas një jave me reshje, vjen paralajmërimi i...

Jean Todt mbështet ndërtimin e automotoparkut në Elbasan

Më herët, kreu i DPSHTRR Blendi Gonxhe njoftoi se në Elbasan do të ndërtohet automotoparku i parë në Shqipëri, për të mundësuar edhe zhvillimin...

Nipi i deputetit me shokët në Dubai, Rrahman Rraja: Kam tre muaj pa folur me të

Deputeti socialist, Rrahman Rraja, ka reaguar për ngjarjen e zbardhur sot nga Policia e Lezhës ku i përfshirë në grabitjen me armë ishte nipi...