Aktualitet

Tiranë/ ‘Përfitoi 50 mijë euro’. Arrestohet “juristja” mashtruese


               Publikuar në : 14:08 - 15/11/19 M P

Policia ka njoftuar se ka vënë në pranga 33-vjeçaren, e cila me anë të mashtrimit ka përfitur 50 mijë euro. Sipas njoftimit, 33 vjeçarja hiqej si juriste e Gjykatës së Lartë dhe nëpërmjet mashtrimit kishte arritur ti merrte një shtetasi shumën prej 50 mijë euro. Ajo i kishte premtuar atij se do të ndikonte te trupa gjykuese për të nxjerrë nga burgu një shtetas të dënuar me 30 vjet, për një vrasje.

 

Njoftimi nga Policia e Shtetit

Bashkëpunimi i ngushtë mes Policisë dhe Prokurorisë çon në pranga një 33-vjeçare për “Mashtrim me pasoja të rënda”.

Finalizohet operacioni policor “Bënça”, i ndjekur prej një viti me metoda proaktive.

Operacioni nga Drejtoria Hetimore Qendrore në Departamentin e Policisë Kriminale, në bashkëpunim të ngushtë me Prokurorinë e Rrethit Gjyqësor Tiranë dhe Drejtorinë Vendore të Policisë Tiranë.

Drejtoria Hetimore Qendrore në Departamentin e Policisë Kriminale, në bashkëpunim me DVP Tiranë, në kuadër të operacionit policor të koduar “Bënça” bëri ekzekutimin e vendimit Nr. 2541, datë 13.11.2019 të Gjykatës së Shkallës së Parë Tiranë, e cila ka vendosur masën e sigurisë personale “Arrest në burg” për shtetasen:

  1. A. L., 33 vjeçe, lindur në Permet dhe banuese në Tiranë.

Në ngarkim të kësaj shtetaseje, Njësia Hetimore Qëndrore përcolli në Prokurorinë e Tiranës materiale hetimore dhe Prokuroria pranë Gjykatës së Shkallës së Parë Tiranë, në bazë të materialeve të referuara regjistroi procedimin penal, për veprën penale “Mashtrimi me pasoja të renda”.

Pas gati një vit hetimesh proaktive u bë i mundur dokumentimi me prova ligjore i veprimtarisë kriminale të ushtruar nga kjo shtetase.

Kjo shtetase ka mashtruar shtetasin B. Z., me banim në Tepelenë, duke i marrë 50 000 euro, me pretendimin se ishte juriste pranë Gjykatës së Lartë Tiranë dhe me njohjet që ajo kishte do të ndikonte pranë trupës gjykuese në Gjykatën e Apelit për Krimet e Rënda Tiranë dhe në Gjykatën e Lartë pët të nxjerrë nga burgu shtetasin A. M., i dënuar me 30 vjet heqje lirie, për një vrasje në rrethana rënduese që kishte kryer në Memaliaj, në vitin 2015, i cili është duke vuajtur dënimin në IEVP Bënçë, në Tepelenë.

Materialet shtesë i kaluan Prokurorisë së Rrethit Gjyqësor Tiranë.

 

Nxori në pritë shokun e ngushtë/ Policia: Si u vetëdorëzua Alia

Shpërthen në flakë makina në ish-Bllok, policia shkon në vendngjarje

Kthehu
WhatsApp Denonco ne TT