E hënë, 6 Dhjetor, 2021
11.5 C
Tirana

“Tirana është e pastër”, deputeti i PD-së i thur ‘lavde’ Erion Veliajt

Në Komisionin e Ekonomisë, kreu i Bashkisë së Tiranës, Erion Veliaj, në cilësinë e kryetarit të Shoqatës për Autonominë Vendore, ngriti shqetësimin e borxheve të prapambetura, sidomos të ish-komunave që iu janë faturuar Bashkive pas ndarjes së re territoriale.

“Një nga shqetësimet që ne kemi janë borxhet e prapambetura të Bashkive, të trashëguara nga ish-komunat. Duhet një zgjidhje sidomos për Bashkitë e vogla. Bashkia e Tiranës i ka likuiduar të sajat”, tha Veliaj. Foksusi ishte edhe tek situata e mbetjeve, ku kërkoi një zgjidhje për sezonin veror.

“Kush jeton në Tiranë duhet të jetë i verbër të mos dallojë ku ishim, por përsëri nuk mjafton. Bashkitë bregdetare kanë nevojë për një bonus ekstra gjatë stinës së verës. Sado të përpiqen, në momentin që të 7-8 fishohet popullsia brenda natës, jo çdokush arrin të përballojë një fluks të tillë. Do donim që dhe këtu, jo në mënyrë uniforme, por sipas frekuencës, të kenë një bonus të veçantë”, u shpreh ai.

Duke shfrytëzuar mundësinë e diskutimit në Komisionin e Ekonomisë, deputeti demokrat Edmond Spaho, ka shigjetuar kryedemokratin Basha, duke vlerësuar punën e Veliajt për pastrimin e qytetit të Tiranës. Ai tha se ka përmirësim të dukshëm, duke ironizuar në këtë mënyrë Lulzim Bashën, i cili e drejtoi Bashkinë e Tiranës për 4 vite.

“Unë kam një pyetje për z. Veliaj. Paraprakisht, duhet të them që ka një përmirësim pastrimi i qytetit të Tiranës, është i dukshëm. Megjithatë desha të dija, a do investojnë kompanitë e pastrimit në teknologji?”, tha Spaho, duke goditur në mënyrë indirekte 4 vjeçarin e Lulzim Bashës në krye të Bashkisë së Tiranës.

Lexo edhe :   S’ka më lavazhe e servise makinash poshtë pallateve!Veliaj tregon masat e reja
- Reklama -

Më shumë nga kategoria




Të fundit

“Jam në Dubai, s’jam arratisur”/ Nipi i deputetit të PS-së: Ngjarje e stisur

Ramazan Rraja, nipi i deputetit socialist, Rrahman Rraja konfirmon se nuk është arratisur, pasi akuzohet se së bashku me dy persona të tjerë, kanë...

E shkarkuat Bashën, e pastaj …?

Nga: Artur Ajazi Foltoristët dhe kryetari i tyre Sali Berisha, po numurojnë me padurim të madh, sa ditë dhe sa orë, kanë mbetur deri ditën...

Dy raste me Omicron në Greqi

Me variantin Omicron u diagnostikuan dy rastet e dyshimta që ishin futur në mikroskopin e studiuesve të Greqisë. Bëhet fjalë për dy shtetas që kishin...

Ne përmbytemi rregullisht, e nuk vëmë mend nga asnjë fatkeqësi

Nga: Mentor Kikia Ka ndryshuar klima o budallenj! Duhet të ndryshojmë dhe ne, ndryshe do të ngordhim. Vetëm pas një jave me reshje, vjen paralajmërimi i...

Jean Todt mbështet ndërtimin e automotoparkut në Elbasan

Më herët, kreu i DPSHTRR Blendi Gonxhe njoftoi se në Elbasan do të ndërtohet automotoparku i parë në Shqipëri, për të mundësuar edhe zhvillimin...