E premte, 15 Janar, 2021
3 C
Tirana

Tensione në Azi/ Aeroplanmbajtëset e SHBA bëjnë manovra në Detin e Kinës së Jugut

Marina e SHBA njofton se dy aeroplanmbajtëse amerikane po zhvillojnë manovra në Detin e Kinës së Jugut, një hapësirë ujore që është bërë objekt polemikash.

Ndërkaq, edhe Kina ka kryer stërvitje ushtarake që janë kritikuar nga Pentagoni dhe vendet fqinje.

Kina dhe Shtetet e Bashkuara kanë akuzuar njëra-tjetrën për nxitjen e tensioneve në rrugët strategjike detare, në një kohë marrëdhëniesh të tendosura në shumë aspekte, nga koronavirusi e deri te tregtia dhe Hong Kongu.

Aeroplanmbajtëset USS Nimitz dhe USS Ronald Reagan po kryejnë operacione dhe stërvitje në Detin e Kinës së Jugut “për të mbështetur një zonë të lirë dhe të hapur në Indo-Paqësor,” tha marina amerikane në një deklaratë.

Në deklaratë nuk thuhej se ku saktësisht po bëheshin stërvitjet në Detin e Kinës së Jugut, i cili shtrihet në rreth 1.500 kilometra dhe për 90 për qind të të cilit Kina ka pretendime, pavarësisht protestave të fqinjëve të saj.

“Qëllimi është të japim një sinjal të qartë për partnerët dhe aleatët tanë se ne jemi të përkushtuar ndaj sigurisë dhe qëndrueshmërisë rajonale”, u citua nënadmirali George M. Wikoff nga gazeta Wall Street Journal, e cila njoftoi e para për manovrat.

Nënadmirali Wikoff, komandant i grupit sulmues, të udhëhequr nga aeroplanmbajtësja Ronald Reagan, tha se manovrat nuk bëhen si kundërpërgjigje ndaj atyre të zhvilluara nga Kina. Javën që kaloi, Pentagoni i kritikoi stërvitjet e Kinës si “kundër-produktive ndaj përpjekjeve për zbutjen e tensioneve dhe ruajtjen e stabilitetit.”

Të premten Kina hodhi poshtë kritikat e SHBA për stërvitjet e saj dhe la të kuptohet se Shtetet e Bashkuara janë përgjegjëse për rritjen e tensioneve.

Aeroplanmbajtëset e SHBA kryejnë prej kohësh stërvitje në Paqësorin Perëndimor, duke përfshirë Detin e Kinës së Jugut, sipas Marinës amerikane.

Lexo edhe :   Trump, qytetarëve: Ulni tensionet, kjo nuk është ajo që Amerika përfaqëson

Kina njoftoi javën e kaluar se kishte planifikuar pesë ditë stërvitje, duke filluar nga 1 korriku pranë Ishujve Paracel, për të cilat kanë pretendime Vietnami dhe Kina.

Lexo edhe :   Ekipi i OBSH-së mbërrin në Kinë, do hetojnë origjinën e virusit

Vietnami dhe Filipinet kanë kritikuar gjithashtu planifikimin e stërvitjeve kineze, duke paralajmëruar se ato mund të krijojnë tension në rajon dhe të keqësojnë marrëdhëniet e Pekinit me fqinjët.

Shtetet e Bashkuara e akuzojnë Kinën se po përpiqet të frikësojë fqinjët e saj aziatikë që mund të duan të shfrytëzojnë rezervat e mëdha të naftës dhe gazit në këtë rajon detar.

Brunei, Malajzia, Filipinet, Tajvani dhe Vietnami gjithashtu kanë pretendime ndaj disa pjesëve të Detit të Kinës së Jugut, përmes të cilit kalon rreth 3 trilion dollarë tregti çdo vit. /Reuters

- Reklama -

Më shumë nga kategoria




Të fundit

Pronat në jug/ Lame: Meritojmë medalje, bëmë një hartë se nuk ka pasur

Kreu i Kadastrës, Artan Lame ka folur lidhur me pronat e minoritarëve grekë në jug të vendit. Përballë kreut të OMONIA-s, Fredi Belerit, Lame u...

Dëshmi rrëqethëse: Lashë mbi 4 mijë euro në Sanatorium, babain e lanë pa bukë

Një ditë më parë emisioni “Stop” transmetoi dëshminë e vajzës së të ndjerës që ndërroi jetë nga Covid-19 në spitalin “Shefqet Ndroqi”. Ajo tregoi...

”Boshatiset” stoli i PSG, trajneri Poçetino infektohet me Covid-19

Trajneri i ri i Paris SG, argjentinasi Mauricio Poçetino, ka rezultuar i infektuar me Covid-19. Lajmi bëhet i ditur nga vetë klubi kryeqytetas, në prag...

Spiropali: Që nga 2013 janë regjistruar 235 mijë vende pune më shumë

Ministrja e Shtetit për Marrëdhëniet me Parlamentin, Elisa Spiropali është shprehur se që nga viti 2013 në vendin tonë janë regjistruar 235 mijë vende...

SHBA vijon tërheqjen e trupave nga Afganistani, kanë mbetur vetëm 2.500

Ushtria amerikane ka ulur nivelin e trupave në Afganistan në 2.500. Ky është niveli më i ulët i pranisë amerikane në gati dy dekada,...