E enjte, 20 Janar, 2022
-1.5 C
Tirana

Teknologji/ Link-e të dëmshme në internet, 89% kalojnë nga WhatsApp-i

Aplikacionet e mesazheve, veçanërisht WhatsApp, janë më të përdorurat nga keqbërësit në internet për të përhapur link-e të dëmshme. Mashtruesit që shfrytëzojnë teknikat e mashtrimit online u kthyen, në një numër më të madh, midis dhjetorit 2020 dhe maj 2021, në WhatsApp me 89.6% të rasteve dhe më pas në Telegram (5.6%) dhe Viber (4.7%).

Globalisht, 480 raste phishing janë regjistruar në ditë, kështu thotë Hulumtimi i kryer nga kompania e sigurisë kibernetike Kaspersky.

Phishing është një lloj mashtrimi përmes të cilit një agresor përpiqet të mashtrojë viktimën duke i marrë informacione personale, të dhëna financiare ose kode aksesi, me anë të një linku të dërguar me mesazh.

Shpesh këto portale të rreme imitojnë me përpikmëri ato të subjekteve reale, përfshirë zyrat postare, bankat ose entitetet dhe organizatat. Raporti është rezultat i të dhënave anonime, të siguruara nga Kaspersky Internet Security për përdoruesit e Androidëve. Siç shpjegon Kaspersky, aplikacionet e mesazheve tejkaluan rrjetet sociale me 20% për sa i përket popullaritetit në mesin e përdoruesve në vitin 2020, duke u bërë mjet komunikimi më miqësor për përdoruesit.

“Në luftën kundër mashtrimit në aplikacionet e mesazheve, duhet të jeni shumë të kujdesshëm, duke u mbështetur në teknologjitë më të fundit anti-phishing,”  -komentoi Tatyana Shcherbakova, Analiste e Lartë e Përmbajtjes në Ëeb në Kaspersky.

Rezultatet e sondazhit gjithashtu thonë që në vitin 2020 numri i përdoruesve të këtyre aplikacioneve, globalisht, do të arrijë një nivel prej 2.7 miliardë, një shifër që deri në vitin 2023 pritet të rritet në 3.1 miliardë. Kjo shumë përfaqëson pothuajse 40% të popullsisë botërore. Për sa i përket numrit të sulmeve phishing të regjistruara për një përdorues të vetëm në WhatsApp, rekordi mbahet nga Brazili me 177 sulme dhe India me 158.

- Reklama -

Më shumë nga kategoria




Të fundit

Çmimet e reja në Kosovë, si do të llogaritet fatura e energjisë së shpenzuar

Zyra e Rregullatorit të Energjisë ka publikuar një kalkulator për llogaritjen e faturave të energjisë elektrike, pas propozimit për ndryshim të tarifave. Në këtë...

Rënie e lehtë e euros dhe paundit britanik, këmbimi valutor për ditën e sotme

Në kursin e këmbimit valutor, sot vihet re një rënie e lehtë e euros dhe paundit britanik. Ndërkohë, dollari dhe franga zvicerane kanë shënuar...

Kosovë/Omicron rriti infektimet, sot pritet të diskutohet për masat e reja

Varianti Omicron ka shtuar frikshëm infektimet në Kosovë, e ndërsa pritet nga ekspertët që të shtrëngohen sot masat anti-COVID. Në total numri i rasteve aktive...

Përfshihet nga flakët një apartament në zonën e Freskut në Tiranë

Një banesë në zonën e Freskut në Tiranë, është përfshirë nga flakët. Flakët e zjarrit kanë përfshirë banesën e marrë me qira nga shtetasja...

Ngrica, dëborë dhe temperatura deri në -4 gradë celcius

Moti në vendin tonë do të karakterizohet kryesisht nga kthjellime dhe vranësira të lehta, veçanërisht në Ultësirën Perëndimore. Ndërsa zonat përgjatë kufirit lindor, do...