E premte, 10 Prill, 2020
20 C
Tirana

“Të përgatisin paketa fiskale konkrete”, KKD apel qeverisë shqiptare dhe asaj të Kosovës

loading...

Këshilli Koordinues i Diasporës ka reaguar në lidhje me situatën e vështirë që është krijuar, që nga përhapja e koronavirusit.

Përmes një deklarate për mediat, KKD fton qeveritë e Shqipërisë dhe Kosovës që të përgatisin paketa fiskale konkrete për përballimin e situatës.

Gjithashtu ky këshill i bën thirrje qeverisë së Kosovës, që të punojë në menaxhimin e situatës, duke i lënë mënjanë dallimet politike.

Deklarata e plotë:

Duke marrë parasysh situatën e pandemisë së shkaktuar nga COVID-19, Këshilli Koordinues i Diasporës:

I bën thirrje klasës politike në Shqipëri dhe Kosovë që të tregoj maturinë e duhur në menaxhimin e kësaj situate të paprecedent.

I bën thirrje qeverisë së Kosovës që të punoj në menaxhimin e kësaj situate të vështirë duke anashkaluar dallimet politike.  Çdo lloj destabilizimi i kësaj qeverie në këto kushte, shpie në destabilizim të shtetit të Kosovës e cila mund të jetë me pasoja fatale. Interesi kombëtar kërkon nga udhëheqësit politik maturi dhe pjekuri për të mirën e kombit.

Fton qeveritë e Shqipërisë dhe të Kosovës që të përgatisin paketa fiskale konkrete në shërbim të bizneseve dhe popullatës. Gjithashtu fton këto qeveri që të komunikojnë dhe bashkëpunojnë më shumë me bizneset në mënyrë që të bëhet e mundur puna e tyre në shërbim të konsumatorëve në të gjitha rastet kur kjo nuk sjell rrezikimin e shëndetit të punëtorëve dhe konsumatorëve.

Fton qeveritë e Shqipërisë dhe Kosovës që specialistëve të shëndetësisë t’u jepet më shumë hapësirë në media në mënyrë që t’i japin popullit mesazhe profesionale për menaxhimin sa më lehtë të situatës. Në vendet e zhvilluara ku ne jetojmë ekspertë të fushave të shëndetësisë dhe atyre sociale si dhe autoritetet lokale po luajnë një rol të rëndësishëm në komunikimin me qytetarët, gjë që nuk po e shohim sa duhet në vendlindje.

Falenderon të gjithë profesionistët e fushës së mjekësisë në vendet tona dhe kudo ata ndodhen nëpër botë për kontributin shembullor në menaxhimin e kësaj situate.  Inkurajon bashkëpunimin mes profesionistëve shqiptarë të fushës së mjekësisë kudo ndodhen dhe ndarjen e këshillave profesionale me komunitetet tona në diasporë në mënyrë që menaxhimi i situatës të jetë sa më i lehtë për të gjithë.

I bën thirrje të gjithë shqiptarëve kudo ndodhen t’iu binden rregullave të vendosura nga qeveritë në vendet ku jetojnë si e vetmja mënyrë për menaxhimin e situatës.

Fton të gjithë bashkatdhetarët që kanë pyetje rreth situatës të kontaktojnë institucionet përgjegjëse në vendet ku jetojnë, ambasadat dhe konsullatat si dhe ne si Këshill Koordinues i Diasporës.

- Reklama -
loading...

Më shumë nga kategoria



Të fundit

Plagosja në Tiranë/ Kush është i kërkuari që pati përplasje me punonjësin e ‘Shqiponjave’

Policia ka përcjellë detajet lidhur me plagosjen sot në Tiranë. Ngjarja ka ndodhur në rrugën "Sitki Çiço", në afërsi të një shkolle. Por si...

Shpikja e radhës/ Një pajisje për të hapur derën pa e prekur

Në këtë periudhë pandemie që po jetojmë, mbajtja e higjienës është kushti themelor për të mos u infektuar. Për shumë persona është vënë re...

Paketa e ndihmës financiare e FSHF, ja kush do të përfitojë 300 mijë lekë të vjetër si shpërblim

Nëpërmjet një vendimi të bërë publik ditën e djeshme, Komiteti Ekzekutiv i Federatës Shqiptare të Futbollit, vendosi të mbështesë futbollin shqiptar në një periudhë...

Humb betejën me koronavirusin, shkon në 24 numri i viktimave

Një person tjetër ka humbur betejën me koronavirusin në vend. Tashmë ka shkuar në 24 numri i viktimave nga COVID-19 në Shqipëri. Paraditen e sotme...

Seanca e ardhshme e Kuvendit do mbahet në 16 prill

Përpos masave lehtësuese që do aplikohen nga e hëna lidhur me situatën nga koronavirusi, raportohet se edhe Kuvendi do të nisë punimet. Seanca e radhës...
Kthehu
WhatsApp KONTAKTO TT