Talenti shqiptar i Bajernit merr vendimin: Ja cilën kombëtare do të përfaqësojë

Talenti me origjinë shqiptare, Leon Dajaku i cili është në pronësi të Bajernit të Mynihut, ka shuar përfundimisht shpresat e përfaqësueses së Kosovës dhe Kombëtares së Shqipërisë.

Në një intervistë të dhënë së fundmi, Dajaku ka deklaruar se ka zgjedhur të përfaqësojë Gjermaninë.

20-vjeçari aktualisht është i huazuar te Union Berlini, teksa ka qenë pjesë e grumbullimeve të kombëtareve gjermane të moshave, teksa në një intervistë për kanalin zyrtar të Union Berlinit, ka konfirmuar edhe njëherë se do të luajë për Gjermaninë, duke i mbyllur derën Kosovës dhe Shqipërisë.

“Futbolli është gjithçka në jetë për mua. Jam duke dhënë maksimumin në fushë dhe shpresoj që të luaj edhe në nivel ndërkombëtar gjithashtu. Kombëtarja? Kam zgjedhur Gjermaninë”, u shpreh Leon Dajaku.