UEFA ditën e enjte do të mbajë një qëndrim zyrtarë ku do të vendoset nëse do të ketë ndonjë shans që Superkupa e Europës të zhvillohet në “Arenën Kombëtare”. FSHF ka aplikuar për finalen e vitit 2020, ndërsa UEFA ka dërguar në muajin e kaluar disa vëzhgues për të ndjekur më nga afër shkallën e punimeve.
Fakti që stadiumi “Arena Kombëtare” nuk ka përfunduar akoma i ul shanset që evenimenti në fjalë të organizohet në Shqipëri, pasi prezantohemi me një stadium të papërfunduar. Kjo situatë është identike me atë të vjetshmen, kur Shqipëria kërkoi të merrte organizimin e finales së 2019 dhe kërkesa iu refuzua nga ana e UEFA-s. Megjithatë, pavarësisht përgjigjes që pritet në ditën e enjte, FSHF do të aplikojë në çdo vit për të organizuar një finale të Superkupës së Europës.
https://tiranatoday.com/arena-kombetare-gati-te-prese-finalen-e-superkupes-uefa/
