“Jahti më i madh në botë sot në gjirin e Sarandës. Deri pak vjet përpara as mund të imagjinohej fluksi i jahteve që po vizitojnë këtë sezon Shqipërinë???”. Kështu shkruan në një postim ne Instagram kryeministri Edi Rama i cili ka publikuar edhe një video.
Sipas “opinion”, superjahti i miliarderit rus Andrey Melnichenko është ndalur në Sarandë në këto ditë të ngrohta vere. Nuk dihet nëse vetë oligarku rus gjendet brenda mjetit lundrues, që është një ndër jahtet më të mëdhenj dhe më luksozë në botë. Jahti lundrues A, ka një gjatësi 143 metër dhe një vlerë që shkon në 500 milionë dollarë. Jahti është 91 meter i lartë, duke kaluar kështu edhe Statujën e Lirisë.
Drejtuesi i Eurochem është në fakt posedues i dy jahteve luksoze që arrijnë vlerën e 1 miliardë dollarëve. Sipas Forbes, ai renditet i 88-ti në botë për nga pasuria.