Sport

Suksesi i arritur në Superkupë, presidenti Duka i dërgon letër urimi Partizanit

               Publikuar në : 15:18 - 19/08/19 user tir

Partizani triumfoi mbrëmjen e djeshme ndaj Kukësit në finalen e Superkupës. I pranishëm në stadium ishte dhe presidenti i FSHF-së, Armand Duka, i cili i dorëzoi kupën, kapitenit Alban Hoxha. Ndërkohë pas triumfit, Duka nuk ka nguruar t’i dërgojë dhe një letër urimi kampionëve, duke i uruar për suksesin e arritur.

LETRA E DUKËS: “Të nderuar, Më lejoni të shpreh urimet e mia më të sinqerta për suksesin e arritur nga FK Partizani, sukses i merituar në fitoren e ndeshjes për Superkupën e Shqipërisë, edicioni 2019. Ngritja e trofeut të Superkupës në vigjilje të nisjes së kampionatit, rrit besimin dhe motivimin e të gjithë lojtarëve, stafit, por edhe të tifozerisë suaj për një sezon cilësor e të suksesshëm.

Në emër edhe të Federatës Shqiptare të Futbollit, sërish i uroj suksese Partizanit më tej dhe rikonfirmoj mbështetjen tonë të plotë për fuqizimin e ekipeve tona dhe mundësimin e të gjitha hapësirave për të rritur lojën e bukur të futbollit”.

Kthehu
WhatsApp Denonco ne TT