Greqia po përballet me një stiuatë të pazakontë përsa i përket gjendjes atmosferike.
Mirëpo, një stuhi e fuqishme dhe e rrallë do të godasë gjithë pjesën e Mesdheut lindor këtë fundjavë.
Shkak i krijimit të kësaj stuhie është veçanërisht ngrohja më shumë se duhet me vlerën 8°C mbi mesataren normale e ujit të deteve Jon, Egje dhe deri në detin e Libisë.
Ndër pasojat kryesore që pritet të shfaqen nga stuhia janë shirat e rrëmbyer, stuhitë e forta dhe rreziku i përmbytjeve.
Në bregdet erërat do të arrijnë shpejtësinë deri në 90 km/h me vale që do të arrijnë 5 metra lartësi.
Mediat italiane shkruajnë se stuhia, e quajtur “Medicane” pritet të ndikojë edhe në Shqipëri pasi gjatë fundjavës vendi ynë do të shoqërohet nga reshje të shumta duke rrezikuar edhe përmbytje kryesisht në jug të vendit ku edhe stuhia do të jetë më e dukshme.
